Sala kua na buku Voro oko tâ Nzapa ti manda Bible na azo
A leke buku Voro oko tâ Nzapa ti mû maboko na afini zo ti gue na li ni na yâ tâ tënë, na ti kono bê ti kiri singila ti ala na mbage ti Jéhovah nga na bungbi ti lo. A lingbi ti manda ni na awamandango Bible tongana use buku. Kusala ti Royaume ti décembre 2000, lembeti 4 atene: “Tongana a yeke polele so mbeni zo ague na li ni, atâa yeke yeke, na tongana lo bâ na nene ni ye so lo manda, zia e manda mbeni use buku na peko ti so lo hunzi brochure Ahunda na buku Hingango Ye. . . . Na yâ aye kue, fade a yeke manda kozoni brochure Ahunda na buku Hingango Ye. Tongana e ngbâ ti manda Bible na mbeni zo, fade e yeke diko ni na e yeke zia ni na yâ ti rapport, nga na afini vizite, na ngoi so amû ndali ni, atâa wamandango ye ni awara batême kozoni si use buku ni ahunzi.”
Zo wa nga alingbi ti wara ye ti nzoni na lege ti mandango buku Voro oko tâ Nzapa? Oko article ni atene: “Tongana mo hinga mbeni zo so amanda [brochure Ahunda na] buku Hingango Ye aninga awe, me so ague na li ni lâ oko pëpe ti mû tele ti lo na Nzapa nga na batême, peut-être mo ye ande ti mû li ni ti hunda lo wala lo ye ti kiri ti manda Bible mbeni.” Zia e sala kue ti to nda ti manda Bible na amara ti zo tongaso na yâ buku Voro oko tâ Nzapa na nze ti mars na avril.
Na km-03 mars ti Afrika