Atokua
◼ Ambeti ti fa na juillet na août: E lingbi ti sara kua na abrochure kue ti lembeti 32 so a fa ge tongana lege ayeke dä: Lege ti fini ti lakue lakue: Mo wara ni awe?, Mo Lingbi ti Duti Ndeko ti Nzapa!, I lango pëpe!, Ouarango Nguia na ndo Sesse teti La Koue!, Nzapa abi be ti lo biani na ndo ti e?, “Voici, je fais toutes choses nouvelles”, Tongana E Kui Ye Wa Asi na E? nga Ayingo ti akua—Ala lingbi ti mu maboko na mo wala ti sala sioni na mo? Ala yeke da biani? Tongana ambeni ti abrochure so ayeke na yanga ti kodoro so azo ti ndo ni ayeke tene, sara kusala na ni tongana ti so bê ti mo aye. Septembre: E yeke sara kusala na buku Bible afa. A yeke nzoni ti sara kue ti to nda ti manda Bible na azo gi na kozo gango ti e. Ye so e zia na gbele e na ngoi so e yeke kiri ti bâ azo kue so amû ambeti ti e ayeke ti to nda ti manda Bible na ala. Octobre: Fade e yeke fa Tour ti Ba Ndo na Réveillez-vous! Tongana e wara azo so asara nzara ti tënë ni, e fa na ala brochure I lango pëpe! ti gi ti kono nzara ti ala na ndo Bible.
◼ Ti to nda ni na nze ti septembre, fade li ti tënë ti fini kota diskur ti asurveillant ti circonscription ayeke: “Dutingo ti mo na gbele Nzapa ayeke tongana nyen?”
◼ Ti to nda ni na yenga ti 8 janvier 2007, fade e yeke manda ande La Révélation: Le grand dénouement est proche! na Mandango Buku ti Kongregation. Fade a yeke sigigi ande na ambeni ti buku ni so a sû gere-mbeti ni kota kota. A yeke nzoni akongregation awara wungo ti mara ti buku ni use kue so alingbi kozoni si a to nda ti manda buku ni. Âdu ti Centrafrique na Tchad, fade filiale ayeke fa ande kapa ni so ala gbian.
◼ A hunda ti tene tongana mbeni zo asara demande ti kusala ti pionnier permanent, a lingbi a tokua demande ni na filiale lango 30 kozoni na lango ti tongo nda ti kusala ni. Fade secrétaire ti kongregation ayeke bâ wala a sû na yâ ni aye kue so a hunda kozoni si a tokua ni na biröo ti filiale. Tongana azo so asara demande ni adabe pëpe na mbilimbili lango ti batême ti ala, fade ala yeke mû mbeni lango so alingbi ti duti nduru na lango ni so, na ala zia ni tongana lango ti batême ti ala. A lingbi secrétaire asû ni na lê ti mbeti so a iri ni Fiche d’activité du proclamateur (S-21).
◼ A lingbi secrétaire ti kongregation abâ nzoni si a tokua na lo Lettre de nomination (S-202) ndali ti azo oko oko kue so a iri ala ti ga pionnier permanent. Tongana filiale atokua lettre ni pëpe, a yeke nzoni ti sû mbeti ti hunda ni.
◼ Fade a yeke sara inventaire ti ngu oko oko ti ambeti na apériodique kue so angbâ na lango 31 ti août 2006 wala na mbeni lango nduru na ni tongana lege ayeke dä. Fade a yeke diko wungo ti ambeti ni tongana ti so zo so ayeke mû li ni na kusala ti aita so ayeke bâ lege ti ambeti ayeke sara ka na nze oko oko, na a yeke fa wungo ni kue na mbeti Stock des publications (S-18). Fade a lingbi ti hunda wungo ti apériodique so angbâ na azo so abâ lege ti apériodique. A lingbi secrétaire ti kongregation abâ lege ti dikongo ambeti ni. Fade lo na surveillantprésident ayeke sû maboko ti ala na gbe ti mbeti ni. Kongregation oko oko ayeke wara ande mbeti Stock des publications ota. I tokua tâ mbeti ni na filiale kozo wala na lango 6 ti septembre. I bata mbeni mbeti ni so a sû na carbone na yâ ti adosier ti i. Ota mbeti ni ayeke ti sara akusala na ndo ni.