Akota ye so a sara na fango tënë

Na nze ti août ti ngu 2013, a bâ polele so Jéhovah airi tënë nzoni na ndo ti akusala so aita ti e ti Bénin na ti Burkina Faso asara. Na tapande na Bénin, wungo ti aita so amû kua ti pionnier permanent ahon 1 000 nga a wara wungo ti awafango tënë 11 664; kozo ti tene a wara wungo ni so la. Nga, mbeni ye so apika bê mingi na yâ ti mbaï ti awakua ti Jéhovah na yâ ti kodro ni ayeke kota bungbi ti district so a sara ni na yâ ti mbeni kota stade na Porto-Novo; azo 11 324 aga dä, na popo ni azo 134 awara batême. Na Burkina Faso, awafango tënë ahon 160 tongaso amû kua ti pionnier permanent. Nga, na nze ti août ni, wungo ti awafango tënë asi 1 629; kozo ti tene a wara mara ti wungo ni so la.