Akota ye so a sara na fango tënë

Na Centrafrique, wungo ti azo kue so aga lani na Mémorial na nze ti avril so ahon so ayeke 16350. Tongana a haka ni na ti ngu 2014 azo 3614 la aga na ndo ni. Na Tchad nga kue wungo ti azo so aga na oko Mémorial so ayeke 4582, wungo ti so ahon ti ngu 2014. Tongana e kiri na mbage ti Afrika ti Do, awafango tënë 132 ti kodoro ti Guinée Bissau asara a-étude 549 na nze ti mars 2015. Ye so afa so wafango tënë oko ayeke sara a-étude 4. Wungo ti aita kue so amû kua ti pionnier ayeke 58. Gi na yâ ti oko nze ni, na Mali nga na Sénégal a yeke ti kozoni la ti tene aita akangbi abuku, abrochure, nga na apériodique mingi tongaso. Nga kozoni ti tene wungo ti afini vizite nga na a-étude ague na li ni mingi la. Ye so afa biani so awafango tënë afa singila ti bê ti ala na ngoi ti Mémorial so ndali ti sandaga ti Christ.—2 aCor. 5:14.