Maï akode ti fango tënë ti mo: Mû maboko na azo so mo yeke manda Bible na ala ti duti na nzoni kode ti mandango ye

Ndani so a yeke kota ye: Ti tene azo so ayeke manda Bible amaï aga biazo na lege ti yingo, a lingbi ala ngbâ gi na ndo ti akozo fango ye ti Bible ape, me a lingbi ala te kpengba kobe na lege ti yingo (aHéb. 5:12–6:1). Ti manda ye ahunda ti sara ngangu. Ye so a hunda ti tene e haka afini ye so e manda na ti so e hinga ni kozo nga ti gi ti bâ nene ti mandango ye ni (aProv. 2:1-6). Tongana awamandango ye ni ahinga ti sara recherche ala wani ayeke sara si ala wara akiringo tënë ti Bible na ndo ti ambeni hundango ndo so ayeke na yâ ti ambeti ti e. Ngangu so ala ayeke sara ti sara ye alingbi na ye so ala manda ayeke mû maboko na ala ti luti na gbele atara so ala yeke tingbi na ni.—Luc 6:47, 48.