Akode ti fango na tënë

Tour ti Ba Ndo 1 novembre

“Na ngoi so bira alondo, azo so ayeke tiri bira ni ayeke bâ ti ala so Nzapa ayeke mû maboko na ala. Mo pensé so Nzapa aye tënë ti bira? [Zia zo ni akiri tënë.] Article ti Tour ti Ba Ndo so afa ngbanga ti nyen ândö Jéhovah ayeda ti tene azo ti lo atiri bira nga tongana nyen la na yâ ti kete ngoi lo yeke hunzi ande tënë ti bira biani biani.” Diko Psaume 46:10 na mû na lo mbeti ni.

Réveillez-vous ! novembre

“Abungbi ti vorongo Nzapa asara si bê ti azo kutu mingi na yâ ti dunia ason ndali ti sarango ye ti ala na handa nga na afango ye ti ala so ayeke na lege ni ape. Mo pensé so nyen la ayeke si ande na abungbi ti vorongo Nzapa? [Zia zo ni akiri tënë.] Mbeti so afa mbeni kpengba prophétie ti Bible so ayeke na yâ ti buku ti Apocalypse so afa gi pëpe tënë ti sigingo ti azo na yâ ti bungbi ti vorongo nzapa ti wataka ti ngoi ti e me asara nga tënë ti futingo ti lo.”