Eskê aTémoin ti Jéhovah ayeke sara kua ti missionnaire?

En. Atâa ndo wa la e yeke dä, e aTémoin ti Jéhovah kue e yeke sara kue ti fa tënë lakue na ndö ti aye so e mä na bê na ni na azo so e wara ala.—Matthieu 28:19, 20.

Na ndö ni, ambeni Témoin ti Jéhovah ayeke gue teti mbeni ngoi na ambeni kete kodro so ayeke na yâ ti kodro ti ala, so azo ni ayeke na nzara ti hinga anzoni tënë so ayeke na yâ ti Bible. Ambeni Témoin ni ayeke gue na kodro-wande ti fa tënë ti Nzapa kâ. Ala yeke na ngia ti sara si tënë ti Jésus so aga tâ tënë, so lo tene: “Ala yeke duti atémoin ti mbi . . . juska na ambage ti sese so ayeke tâ yongoro.”—Kusala 1:8.

Na ngu 1943, e sigi na mbeni ekole ti fa ye nzoni na amissionnaire ti e. Ti londo na ngu ni so juska laso, aTémoin ti Jéhovah ahon 8 000 tongaso la asara ekole ni so, so a hinga ni na iri ti Ekole ti Galaad ti Mandango Bible ti Société Watchtower.