BIBLIOTHÈQUE NA NDÖ TI INTERNET Watchtower
Watchtower
BIBLIOTHÈQUE NA NDÖ TI INTERNET
Sango
  • BIBLE
  • AMBETI
  • ABUNGBI
  • w06 1/3 l. 30-31
  • A yeke tâ sioni ti nyon sämba ahon ndo ni?

Vidéo ayeke na yâ ti mbage ni so ape.

Pardon, mbeni kpale asi na ngoi ti zingo vidéo ni.

  • A yeke tâ sioni ti nyon sämba ahon ndo ni?
  • Tour ti Ba Ndo Afa Tene ti Royaume ti Jéhovah: 2006
  • Akete li ti tënë ni
  • Ambeni mbeti nde na ndö ti oko tënë ni
  • Vin na angangu sämba: amatabisi ti Nzapa
  • Kota ye ni: ti nyon alingbi na ni
  • Nda ni so Mbeti ti Nzapa ake nyongo sämba mingi
  • Bibe ti Nzapa na ndo ti sämba ayeke so wa?
    Tour ti Ba Ndo Afa Tene ti Royaume ti Jéhovah: 2010
  • Sala ye na lege ni na ndo tënë ti nyongo sämba
    Tour ti Ba Ndo Afa Tene ti Royaume ti Jéhovah: 2004
  • Bible atene nyen na ndö ti sämba? Eskê a yeke sioni ti nyon sämba?
    Bible atene ti lo nyen
  • Zia si bango ndo ti Nzapa na ndö ti nyongo sämba afa lege na mo
    Tour ti Ba Ndo Afa Tene ti Royaume ti Jéhovah (Ti mandango ni): 2023
Bâ ambeni ye ni
Tour ti Ba Ndo Afa Tene ti Royaume ti Jéhovah: 2006
w06 1/3 l. 30-31

A yeke tâ sioni ti nyon sämba ahon ndo ni?

A NINGA awe so na théâtre nga na singa-le a yeke bâ zo ti nyongo sämba so kua ti lo ayeke ti sara si azo ahe ngia. Atâa so kua ti lo ayeke ti sara si azo ahe ngia, ngia ti lo ni afa na gigi bango ndo use so azo mingi ayeke na ni na ndo tënë ti nyongo sämba mingi; ala bâ ni tongana mbeni wokongo so zo ayeke na ni, me so biani sioni ayeke dä oko pëpe.

Me ti biani, a yeke ye ti he na ngia pëpe. Ndokua ti Bendo ti Gigi so abâ tënë ti seni afa so nyongo ye ahon ndo ni ayeke mbeni oko ti akota ye so abuba seni ti azo na ndo kue. A bâ so tongana a mû manga a zia nde, a yeke nyongo sämba si amû kobela na a fâ azo mingi ahon ambangi kue, na ngu oko oko a yeke te nginza mingi (ngbundangbu 184 ti dollar) na ndo konomi ti Amerika.

Atâa aye so kue, azo mingi angbâ ti bâ nyongo sämba mingi tongana senge ye. Kamême so ala hinga asioni ye so sämba alingbi ti sara gbanda na ndo ti zo, ala bâ so ti nyon mingi ngoi na ngoi ayeke sioni oko pëpe. Na ambeni kodoro, amaseka abâ nyongo sämba mingi tongana ye so zo ayeke sara kozo si lo ga kota. Kamême so abungbi so abâ tënë ti seni agboto mê ngangu mingi, tënë ti nyongo sämba mingi, so a fa ni tongana nyongo verre ti sämba oku tongaso, ague na li ni ngangu mingi na popo ti azo ti ngu kue. Tongaso, a yeke ye ti dongo bê pëpe tongana azo mingi ayeke hunda tere ti ala wala nyongo sämba mingi ayeke tâ sioni biani. Me Bible atene ti lo nyen dä?

Vin na angangu sämba: amatabisi ti Nzapa

Aversê mingi na yâ Bible asara tënë ti vin na angangu sämba. Gbia Salomon asû na mbeti: “Mo gue na lege ti mo, mo te kobe ti mo na ngia, mo nyon vin ti mo na bê ti ngia; teti Nzapa ayeda na kusala ti mo awe.” (Zo-ti-fa-tene 9:7). Wasungo psaume ahinga lani so Jéhovah Nzapa ayeke Wamungo “vin so asara si bê ti zo aduti na ngia”. (Psaume 104:14, 15). A sigigi polele so vin ayeke oko ti amatabisi so Jéhovah amû na azo.

Nyongo vin ayeke lani sioni pëpe na lê ti Jésus. Tapande ni ayeke ti kozo miracle ti lo na ngoi ti mbeni matanga ti mariage so lo gbian ngu na nzoni vin (Jean 2:3-10). Lo mû nga vin tongana fä ti mênë ti lo na lâ ni so lo zia na sese Kobe ti Seigneur (Matthieu 26:27-29). Mbeti ti Nzapa asara même tënë ti ngangu so vin ayeke na ni ti kaï kobela; ni la bazengele Paul awa lani Timothée ti “kamata kete vin teti yâ ti [lo]”.​—1 Timothée 5:23; Luc 10:34.

Kota ye ni: ti nyon alingbi na ni

Bâ so Paul ahunda ti nyon gi “kete vin”. Bible ake polele nyongo sämba ahon ndo ni. Giriri, tongana aprêtre ti Israël ayeke na kua pëpe, ala lingbi ti nyon sämba alingbi na ni. Me tongana ala yeke sara kua, a gbanzi ni na ala (Lévitique 10:8-11). Angu mingi na pekoni, a gboto mê ti akozo Chrétien so ala so ayeke angbâa ti sämba fade ala ‘ga ahéritier ti royaume ti Nzapa pëpe.’​—1 aCorinthien 6:9, 10.

Na ndo ni, na yâ awango ti lo na Timothée, Paul atene so a lingbi ala so amû li ni na yâ kongregation aduti “angbâa ti vin pëpe”.a (1 Timothée 3:3, 8). Ti tâ tënë ni, Bible atene so a lingbi a bi na gigi ti kongregation ti aChrétien azo ti nyongo sämba mingi so azia lege ni pëpe (1 aCorinthien 5:11-13). Tongana ti so Mbeti ti Nzapa afa ni polele, “vin ayeke ye ti hengo zo”. (aProverbe 20:1). Ti zo so anyon ni mingi, sämba alingbi ti sara si lo sara ye na hange pëpe na lo bata li ti lo nzoni pëpe.

Nda ni so Mbeti ti Nzapa ake nyongo sämba mingi

Jéhovah, ‘Lo so awa e si e ga nzoni,’ ahinga so tongana e sara ye na mbeni ye ahon ndo ni, na nda ni e yeke sara sioni na tere ti e mveni nga na amba ti e (Esaïe 48:17, 18). Ye so ayeke tâ tënë tongana e bâ tënë ti nyongo sämba. Mbeti ti Nzapa ahunda atënë so: “Zo nyen ayeke na pono? Zo nyen ayeke na vundu? Zo nyen atiri? Zo nyen asara tënë senge? Zo nyen awara kä senge? Zo nyen ayeke so lê ti lo abe?” Lo kiri tënë tongaso: “Azo so angbâ na tere ti vin; azo so ague ti tara vin so agbian yâ ni.”​—aProverbe 23:29, 30.

Ndali ti so ala nyon sämba mingi, azo mingi asara aye ti buba na aye ti gango na kpale: ala kpe na kutukutu na sämba na lê ti ala ti zia fini ti ala na ti azo na lê ti kuâ; ala to nda ti sara ngia ti buba na koli wala wali ti kamarade ti ala na ala bi wuluwulu na popo ti ala; ala yeke sara atënë na aye ti buba wala même ti kirikiri (aProverbe 23:33). A yeke na lege ni si a zia nyongo sämba mingi na popo ti akota kpale ti akodoro, so ayeke buba dunia laso. Wango ti Nzapa so adö bê ti zo pëpe: “Mo duti pëpe na popo ti azo so anyon vin mingi.” ​—aProverbe 23:20.

Na mbeti ti aGalate 5:19-21, Paul azia nyongo sämba mingi na pumba kirikiri na popo ti “kusala ti mitele” ti kangbi ni na lengo ti yingo ti Nzapa. Zo so anyon sämba ahon ndo ni ayeke buba songo ti lo na Nzapa. Tongaso, a lingbi aChrétien anyon sämba ahon katikati ni pëpe.

[Kete tënë na gbe ni]

a Teti a lingbi asurveillant na aserviteur ti mungo maboko aduti tapande ti azo so abâ yâ ti aye nzoni nga asara ye na lege ni, na ala sara ngangu ti fa na gigi akpengba-ndia ti Jéhovah na yâ fini ti ala, a yeke na lege ni ti tene so tënë so abâ nga tanga ti aChrétien kue.

    Ambeti na Sango (1997-2025)
    Sigi
    Linda
    • Sango
    • Kangbi ni na mbeni zo
    • Aye so mo ye
    • Copyright © 2025 Watch Tower Bible and Tract Society of Pennsylvania
    • Lege ti sara kua na ni
    • Ye so a yeke sara na asango so mo mû
    • Paramètres de confidentialité
    • JW.ORG
    • Linda
    Kangbi ni na mbeni zo