Atënë ti tongo nda ni
Zo kue na mbeni ngoi abâ pasi awe, peut-être ndali ti kobela, accident, kota kpale tongana ngu so asuku amû ndo, wala ndali ti mbeni ye ti sioni so mbeni zo asara.
Azo aye ti hinga ndani so e yeke bâ apasi ni so.
Ambeni zo amä na bê na ye so a iri ni destin, so ti tene apasi so ayeke si na e ayeke aye so adoit nga gï fade ti si la, e yeke na ngangu na ndö ni ape.
Ambeni zo ni nde amä na bê so zo ayeke bâ pasi ndali ti mbeni sioni ye so lo sara ândö si ayeke mû peko ti lo na yâ ti gigi ti lo kue.
Aye ti ngangu so ayeke si na azo asara si lakue ala yeke na ahundango ndo mingi.