Lege so a-appareil ayeke sara ngangu na ndö ti mariage ti mo

Me, ambeni couple ayeke sara kua na a-appareil na lege ni ape. Ye so apeut ti sara si aga na akpale so a fa na gbe ni ge:

• a peut ti mû ngoi ti ala ti dutingo ndo oko.

• a peut ti sara si ala mû kua ti nginza aga na ni na yanga-da ti sara.

• a peut ti buba yâ ti confiance nga même ti duti be-ta-zo na mba ape.

YE SO MO DOIT TI HINGA

MÛ NGOI TI DUTI NDO OKO

Mbeni koli so iri ti lo ayeke Michaël atene: “Na mbeni ngoi, mbi na wali ti mbi e yeke duti ndo oko, mo bâ tene e yeke ndo oko ape. Lo yeke bâ gï lê ti téléphone ti lo, nga lo yeke tene: ‘Depuis la mbi bâ lê ti téléphone ti mbi ape so.’” Mbeni koli so iri ti lo ayeke Jonathan atene so na yâ ti aye tongaso “acouple apeut ti duti na terê ti mba, me ti vrai ni ala yo mingi na mba.”

TI GBU LI NA NDÖ NI: Fani oke la mbeni appel wala message ayeke sara si mo yeke na temps ape ti causé na koli wala wali ti mo?​—A-ÉPHÉSIEN 5:33.

KUA

Kua so ambeni zo ayeke sara, a hunda ti tene a-appareil ti ala aduti lakue na terê ti ala même na bï tongaso si a iri ala ndali ti kua. Kua ti ambeni zo ahunda tongaso ape, me tongana ala kiri na yanga-da ala ngbâ gï ti sara kua. Mbeni koli ti wali so iri ti lo ayeke Lee atene: “A yeke ngangu ape ti mû a-appel wala ti diko amessage so mbi yeke wara ndali ti kua, na ngoi so mbi zia ni nde ti duti na terê ti wali ti mbi.” Mbeni wali so iri ti lo ayeke Joy atene: “Mbi yeke sara kua na yanga-da, a sara si mbi yeke sara kua ni lakue. A hunda ti sara ti effort ti duti na équilibre.”

TI GBU LI NA NDÖ NI: Eskê mo yeke dengi mê nzoni na koli wala wali ti mo na temps so lo yeke sara tënë na mo?​—LUC 8:18.

DUTI BE-TA-ZO

Mbeni gingo nda ti ye afa so ambeni couple ayeke papa ndali ti ye so mbeni aposté na ndö ti aréseaux sociaux. Ambeni na popo ti ala ayeda so ala posté aye na hondengo ni si koli wala wali ti ala ahinga tënë na ndö ni ape.

Mingi ti azo atene so aréseaux sociaux apeut ti ga na akpale na acouple, nga a yeke facile ti gue na ala ti sara lango-sioni. Ye so a-étonné e ape, a-avocat atene so aréseaux sociaux la asara si mingi ti azo laso asara divorce.

TI GBU LI NA NDÖ NI: Eskê mo yeke honde na koli wala wali ti mo lisoro so mo yeke sara na mbeni koli wala mbeni wali nde?​—APROVERBE 4:23.

YE SO MO PEUT TI SARA

ZIA AYE SO AYEKE AKOTA YE KOZO

Mbeni zo so ate ye nzoni ape ayeke na nzoni seni ape. Legeoko nga, mbeni zo so amû ngoi ti duti na terê ti koli wala wali ti lo ape, lo yeke wara akpale na yâ ti mariage ti lo. —aÉphésien 5:28, 29.

Sara lisoro na ndö ti aye so a fa na gbe ni ge, so mo ye ti sara ye alingbi na ni wala sû apensé ti mo wani na mbeti ti zia ape si a-appareil aga na kpale na yâ ti mariage ti mo.

• Leke ti tene kamême lango oko oko, ala te ye place oko

• Leke ti tene na ambeni ngoi, ala sara kua na a-appareil ape

• Leke ti tene ala passé mbeni pendere ngoi ala use wala ala sara mbeni ye so anzere na ala

• E yeke kanga a-appareil ti e na bï tongana e ye ti lango

• E zia mbeni penze-ngbonga 15 lâ oko oko ti sara lisoro na mba, sân ti tene e sara kua na a-appareil

• Kanga connexion ti Internet na mbeni ngoi lango oko oko