Ye ti Manda 14

Andeko ti Nzapa Akpe Ye ti Sioni

Satan aye ti handa azo ti sala aye ti sioni. A lingbi zo so aye ti duti ndeko ti Nzapa ake ye so Jéhovah ake. (Psaume 97:10) Ba ambeni ye so andeko ti Nzapa akpe ti sala:

Siokpari na lege ti dutingo koli na wali. “A lingbi mo sala lango-sioni pepe.” (Exode 20:14) Ti bungbi koli na wali kozoni na mariage ayeke nga sioni.—1 aCorinthien 6:18.

Nyongo samba ahon ndo ni. Fade “angba ti samba . . . aga ahéritier ti royaume ti Nzapa pepe.”—1 aCorinthien 6:10.

Fango zo, Tukungo ngo. “A lingbi mo fâ zo pepe.”—Exode 20:13.

Nzi. “A lingbi mo sala nzi pepe.”—Exode 20:15.

Mvene. Jéhovah ake “menga so asala tene ti wataka.”—aProverbe 6:17.

Salango ngangu nga na Ngonzo so akanga ndo ni pepe. “Zo kue so andoye ye ti ngangu, [Jéhovah] ake lo biani.” (Psaume 11:5, NW) “Kusala ti mitele [andu nga] . . . ngonzo.”—aGalate 5:19, 20.

Ngia ti nginza. ‘I tambela pepe na zo so bê asala lo.’—1 aCorinthien 5:11.

Atene ti Mara na ti Kete mara. “I ngbâ ti ndoye awato ti i nga ti sambela teti ala so asala ngangu na i.”—Matthieu 5:43, 44, NW.

Aye so Nzapa atene na e ayeke teti nzoni ti e. A yeke lakue kete ye pepe ti kpe ti sala aye ti sioni. Na lege ti mungo maboko ti Jéhovah nga na ti aTémoin ti lo, mo lingbi ti kpe ti sala aye so anzere na Nzapa pepe.—Esaïe 48:17; aPhilippien 4:13; aHébreu 10:24, 25.