Mbeni sambela ti singila

1. E sepela mo Jéhovah Nzapa,

e yä go ti e kue na mo, ô Gbia.

E voro mo, Wamango sambela,

e ga na mo Jah si mo bata e.

Afaute ti e afa so e woko;

e ye biani si mo pardone e.

Bâ so na mênë ti Christ mo vo e.

Ni la, e ye si mo fa ye na e.

2. Ngia na azo so aga na mo, Jah,

na yâ ti lumière ti mo, ô Nzapa!

Bible asara si e hinga mo.

E ye ti ngbâ na yâ ti da ti mo.

Ngangu ti mo apika bê biani,

amû na e kue ngangu ti luti.

Jéhovah, e gonda Royaume ti mo,

teti a yeke ngbâ lakue lakue.

3. Ô Nzapa, zia si ngia ti e amaï

si azo avoro mo na ndo kue.

Ande Royaume ti mo ayeke si

ti zi kobela, vundu, kuâ, toto.

Fade Jésus azi sioni ye kue;

fade dunia adekongo na ngia.

E yeke he ande bia so na ngia:

“Gonda Jéhovah, Gbia ti e ti gloire!”