Bia 88
Amolenge: ye so alondo na Nzapa
Ti so a-imprimé ni
1. Tongana zo aga babâ,
tongana wali adü molenge,
ala wara tâ ye ti bata,
pëpe gi ti ala wani.
A yeke Jah si amû ye so;
lo oko, lo mû fini na ndoye.
Lo fa nga na ala tâ lege
si ala sara ye na ndara.
(LI TI BIA)
Nzapa amû na mo molenge,
so tâ kota matabisi.
Ndia ti Nzapa ayeke nzoni;
fa ni na molenge ti mo.
2. Ye kue so Jah afa na mo,
a yeke nzoni mo bata na bê.
Mû ni na amolenge ti mo,
kungba so Jah amû na mo.
Sara tënë na ala lakue,
na ando kue so mo yeke gue dä.
Ande ala dabe na ni kue,
zia ala ngbâ be-ta-zo lakue.
(LI TI BIA)
Nzapa amû na mo molenge,
so tâ kota matabisi.
Ndia ti Nzapa ayeke nzoni;
fa ni na molenge ti mo.
(Bâ nga Deut. 6:6, 7; aÉph. 6:4; 1 Tim. 4:16.)