Jéhovah ayeke mä sambela ti e?

Nzapa ayeke mä asambela ti e. 1 Pierre 3:12

Jéhovah ayeke “mä sambela”. (Psaume 65:2). Lo ye si tongana e sambela lo, e sara gï atënë so alondo na yâ ti bê ti e.

Sambela gï Jéhovah, me mo sambela mbeni zo nde pëpe.

E lingbi ti sara tënë ti aye nde nde na yâ ti sambela ti e. 1 Jean 5:14

Sambela ti tene a sara ye so bê ti Nzapa aye na yayu nga na sese.

A yeke nzoni mo sambela na iri ti Jésus ti fa so mo bâ na nene ni ye so Jésus asara ndali ti mo.

Sambela Jéhovah ti mû maboko na mo ti sara ye so ayeke nzoni. Mo lingbi nga ti sambela ndali ti kobe, kua, ndo ti lango, bongo nga tënë ti seni ti mo.