MBAGE 2
Ngbâ gi na wali wala koli ti mo
“Ye so nzapa abungbi ni na gbe ti joug oko, zia mbeni zo akangbi yâ ni pëpe.”—Marc 10:9
Jéhovah ahunda na e ti sara ye na “lege ti handa pëpe.” (Malachie 2:16). Ye so ayeke kota ye na yâ ti mariage, ngbanga ti so tongana handa ayeke dä, confiance ayeke dä ape. Confiance la ayeke sara si ndoye amaï.
Laso, a yeke ngangu ti wara na yâ ti mariage koli wala wali so angbâ gi na wali wala koli ti lo oko. Ti bata mariage ti mo, mo doit ti sara aye use.
1 ZIA MARIAGE TI MO NA KOZO NDO
YE SO BIBLE ATENE: “Hinga biani aye so ayeke akota ye mingi ahon atanga ni.” (aPhilippien 1:10). Mariage ti mo ayeke mbeni oko ti aye so ayeke kota na yâ ti gigi ti mo. A yeke nzoni a duti na kozo ndo.
Jéhovah aye si mo bi bê mingi na ndo ti wali wala koli ti mo nga lo ye si mo na lo ‘aduti na ngia’. (Zo-ti-fa-tene 9:9). Lo fa polele so a lingbi mo bâ pëpe wali wala koli ti mo tongana mbeni mbumbuse zo, me a yeke nzoni ala use kue asara kue ti tene ala duti na ngia (1 aCorinthien 10:24). Sara si lo bâ so mo ne lo nga so mo yeke na bezoin ti lo.
YE SO MO LINGBI TI SARA:
Sara kue ti tene mingi ni mo na lo asara ye gi use use. Dengi mê mingi na lo
A hon ti tene “mbi”, tene “e”
2 BATA BÊ TI MO
YE SO BIBLE ATENE: “Zo kue so angbâ ti bâ mbeni wali si lo sara nzara ti wali ni so, andâ lo gi lo na wali na yâ ti bê ti lo awe.” (Matthieu 5:28). Tongana mbeni zo angbâ ti pensé na lango-sioni, a kpa mo bâ mo tene lo nzi tere ti lo awe la.
Jéhovah atene a yeke nzoni mo “bata bê ti mo”. (aProverbe 4:23; Jérémie 17:9). Ti sara ni, a yeke nzoni mo bata lê ti mo (Matthieu 5:29, 30). Sara ye tongana ti Job so ate mbele na lê ti lo ti bâ pëpe mbeni wali na nzara ni (Job 31:1). Mû desizion ti bâ porno lâ oko ape. Leke nga na bê ti mo ti kpe ti sara nzara ti mbeni zo so ayeke wali wala koli ti mo ape.
YE SO MO LINGBI TI SARA:
Fa polele na azo so mo yeke gi ti wali wala koli ti mo oko awe
Bâ na nene ni atënë ti bê ti wali wala koli ti mo, na kaï hio mbeni songo so wali wala koli ti mo abâ ni na nzoni lê ape