HUNDA 4
Tongana nyen la mbi peut ti corrigé afaute so mbi sara?
NYEN LA MO YEKE SARA?
Tara ti bâ ye so: Na ngoi so Tim na akamarade ti lo ayeke joué ballon, lo bi ballon ni ague afâ vitre ti oto ti mbeni voizin.
Tongana mo yeke fade na place ti Tim, nyen la mo yeke sara?
GBU LI TI MO KETE!
MO YEKE NA AYE OTA TI SARA:
Mo kpe.
Mo kiri na tënë ni na li ti mbeni zo nde.
Mo fa ye so apassé na voizin ni nga mo tene mo yeke payé aye so abuba.
Peut-être mo ye ti sara ye so ayeke na A. Me a yeke na lege ni ti yeda na afaute ti mo: Atâa ayeke vitre ti oto la afâ wala mbeni ye nde.
ARAISON OTA TI YEDA NA AFAUTE TI MO
A yeke ye so mo doit ti sara la.
Bible atene: “E ye ti sara ye mbilimbili na yâ ti aye kue.” —aHébreu 13:18.
Mingi ni azo ayeke pardonné azo so ayeda na afaute ti ala.
Bible atene: “Zo so ahonde kengo-ndia ti lo, ye ti lo aga nzoni pëpe, me zo so afa tënë ti kengo-ndia ti lo na gigi na lo zia lege ni, fade lo wara be-nzoni.”—aProverbe 28:13.
Kota ye ni ahon kue ayeke so anzere na Nzapa.
Bible atene: “Teti zo ti kirikiri ayeke ye ti sioni mingi na lê ti L’Éternel, me tënë ti lingo ti L’Éternel ayeke na azo ti mbilimbili.”—aProverbe 3:32.
Karina, so ayeke na ngu 20 na États-Unis, awara lani amende ndali ti so lo kpe na oto na loro mingi, lo honde tënë ni na babâ ti lo. Me lo peut lani ti honde ni teti lakue lakue ape. Lo tene: “Ngu oko tongaso na pekoni, babâ ti mbi ahinga so mbi wara amende. Li ti mbi aga tâ kirikiri.”
Ye so afa nyen na Karina? Lo tene: “Ti honde afaute so mo sara ayeke sara si aye akiri aga sioni mingi. Lawa lawa, mo yeke wara kpale ti pekoni.”
TONGANA NYEN LA AFAUTE TI MO APEUT TI FA YE NA MO?
Bible atene: “Fani mingi e kue e yeke pika gere ti e.” (Jacques 3:2). Tongana mo yeda hio na afaute so mo sara afa so mo sara tere ti mo kete nga mo gbu tënë ti Nzapa ngangu.
Na pekoni, manda ye na lege ti afaute so mo sara. Mbeni molenge-wali so iri ti lo ayeke Vera, atene: “Mbi bâ afaute so mbi sara tongana mbeni ye so apeut ti fa ye na mbi, mbi zia si a leke mbi ti ga nzoni zo nga a-aidé mbi ti tene ti peko mbi leke mara problème ni so na mbeni fason nde.” Zia e bâ tongana nyen la mo peut ti sara ni.
Mo buba vélo ti babâ ti mo so mo mû ti kpe na ni. Nyen la mo yeke sara?
Mo yeke tene tënë ni oko ape nga mo yeke pensé so babâ ti mo ayeke hinga tënë ni ape?
Mo yeke tene na babâ ti mo vrai ye so apassé?
Mo yeke tene na babâ ti mo ye so apassé me mo kiri na tënë ni na li ti mbeni zo nde?
Mo raté mbeni examen ngbanga ti so mo diko mbeti ape. Nyen la mo yeke sara?
Mo yeke tene so examen ni la akpengba mingi?
Mo yeke yeda so mo la mo sara si mo raté note?
Mo yeke tene so prof ni azia bê na mo?
Ti pensé na afaute so ahon awe ayeke mo bâ mo tene mo yeke kpe na oto na mo yeke bâ mbeni ye na peko na yâ ti rétroviseur
Fadeso kiri na ndo ti aye so e sara tënë na ndo ni fade na tara ti bâ so mo la mo yeke (1) babâ ti mo wala (2) prof ti mo. Nyen la babâ ti mo nga na prof ti mo ayeke pensé na ndo ti mo tongana mo yeda hio na afaute so mo sara? Ala yeke pensé nyen na ndo ti mo tongana mo honde afaute ti mo?
Gbu li ti mo fadeso na ndo ti mbeni faute so mo sara na ngu so ahon na kiri tënë na ahunda so.
Faute ni ayeke lani nyen? Mo corrigé ni tongana nyen?
Mbi honde ni lani.
Mbi kiri na tënë ni lani na li ti mbeni zo nde.
Mbi yeda na ni lani hio.
Tongana mo yeda lani na faute ni ape asara lani mo tongana nyen na peko ni?
Tere ti mbi anzere lani: A punir mbi ape.
Mbi bâ lani so mbi yeke na faute: Mbi doit lani ti tene tâ tënë.
Nzoni fason ti corrigé ni lani apeut ti duti so wa?
Faute ti mo ni afa lani nyen na mo?
MO PENSÉ NYEN?
Ngbanga ti nyen la ambeni zo ayeke sara mbeto ti yeda na afaute ti ala?
Azo ayeke pensé nyen na ndo ti mo tongana lakue mo yeke gi ti honde afaute ti mo? Me tongana mo yeda na afaute ti mo ala yeke pensé nyen?—Luc 16:10.