Atënë ti tongo nda ni ti mbage 11

Mbage so ayeke sara tënë ti ambaï so ayeke na yâ ti mbage ti Bible so a sû lani na Grec. A dü Jésus na yâ ti mbeni sewa so ayeke na moyen mingi ape na ala lango na yâ ti mbeni kete gbata. Lo yeke sara kua ti charpentier na terê ti babâ ti lo. Jésus la ayeke zo so ayeke sö azo ti dunia. Jéhovah asoro lo ti ga Gbia ti Royaume ti yayu. Tongana mo yeke babâ wala mama, aidé molenge ti mo ti bâ tongana nyen Jéhovah asoro mbeni nzoni sewa nga mbeni nzoni ndo so Jésus alingbi ti kono dä. Fa na lo tongana nyen la Jéhovah abata Jésus, tongaso si Hérode afâ lo ape nga si ye oko alingbi ti kanga lege ape ti tene ye so bê ti Jéhovah aye aga tâ tënë. Bâ nga tongana nyen la Jéhovah asoro Jean ti leke lege na Jésus. Fa na lo tongana nyen la Jésus aye atënë ti ndara ti Jéhovah atâa so lo de même lani maseka.