ENCADRÉ SO AFA YE NA ZO 20A
Kangbingo yâ ti sese ni
So a fa mbilimbili mesure ti ayanga ti sese ni adë bê ti aJuif so a gue na ala na kodro-wande so a yeke kiri ande ti leke biani kodro ti ala so ala ye ni mingi. Aye wa la e lingbi ti manda laso na lege ti vision so? Zia e bâ ambeni mbage use ti vision ni.
Mbeni nzoni ndo nga na mbeni kota kua
Zo oko oko kue na popo ti aJuif so a gue na ala na kodro-wande si akiri ayeke wara mbeni sese so ayeke ga ti lo na yâ ti Sese ti Zendo so a kiri a leke ni. Legeoko nga laso, na yâ ti paradis ti yingo place ayeke dä ndali ti awakua ti Jéhovah kue. Atâa kua so e yeke sara na yâ ti bungbi ti Jéhovah ayeke kete tongana nyen, e yeke na mbeni nzoni ndo nga na mbeni kota kua na yâ ti kodro na lege ti yingo. Na lê ti Jéhovah, awakua ti lo kue ayeke legeoko nga ala yeke ye ti ngangu ngere.
A kangbi yâ ti sese ni alingbi terê
Na yâ ti vision ti Ézéchiel, na sese oko oko kue so ayeke na yâ ti Sese ti Zendo so a kiri a leke ni, azo ni awara anzoni ye so sese ni ayeke na ngangu ti sara si amaï. Legeoko nga laso, Jéhovah asara si e kue e lingbi ti wara a-oko tufa na yâ ti paradis ti yingo.