Sara ye na mbeto ape

Ye so Jésus asara lani

VIDÉO: Jésus amû wango na mbeni mokonzi so ayeke na mosoro so ade maseka

1. Bâ VIDÉO ni, wala diko Marc 10:​17-22. Na pekoni kiri tënë na ahunda so:

1. Anzoni sarango ye wa la peut-être Jésus abâ na mbage ti mokonzi so ade maseka so?

2. Ngbanga ti nyen la Jésus adoit ti sara ye na ndoye nga na mbeto ape ti mû wango na koli so?

Tapande ti Jésus afa na e nyen?

2. E doit ti sara tënë na ndoye me polele na azo so e yeke manda Bible na ala ti aidé ala ti gue na li ni.

Sara ye tongana Jésus

3. Aidé zo ni ti zia na gbele lo ambeni ye ti sara nga ti sara ni.

1. Na ngoi ti étude ni, sara kua lakue na mbage “Gi ti sara ye so,” so ayeke na yâ ti ye ti manda oko oko kue ti buku Ngbâ na fini lakue lakue!

2. Aidé zo ni ti hinga ambilimbili ye so lo peut ti gi ti sara fafadeso nga na ati so lo peut ti sara ande.

3. Gonda lo lakue ndali ti aye so afa so lo yeke gue na li ni.

4. Gi ti bâ aye so ayeke kanga lege na lo ti gue na li ni, nga aidé lo ti gi ti hon ndö ni.

1. Hunda terê ti mo:

   • ‘Tongana zo ni ayeke gue na li ni ti wara batême ape, nyen la akanga lege na lo?’

   • ‘Nyen la mbi peut ti sara ti aidé lo?’

2. Sambela ti wara courage ti sara tënë na lo polele nga na ndoye na ndö ti ye so lo doit ti sara.

5. Tongana zo ni ayeke gue na li ni ape, zia ti sara étude ni.

1. Ti hinga wala zo ni ayeke gue na li ni, hunda terê ti mo:

   • ‘Eskê lo yeke sara ye alingbi na aye so lo yeke manda?’

   • ‘Eskê lo yeke ga na abungbi nga lo yeke fa ye so lo yeke manda na azo?’

   • ‘So lo manda Bible aninga awe so, eskê lo ye ti ga Témoin ti Jéhovah?’

2. Tongana zo ni ayeke gue na li ni ape:

   • Hunda lo ti hinga nyen la peut-être akanga lege na lo ti gue na li ni.

   • Na kode, fa na lo ndani so mo yeke zia ti sara étude na lo.

   • Fa na lo ye so lo doit ti sara tongana lo ye ti kiri ti sara étude ni.