1 Zo alingbi ti hinga li ti lo na Nzapa pëpe: A yeke tâ tënë la?

Peut-être mo mä a tene: “Nzapa ayeke sara ye na mbeni lege so zo alingbi ti hinga li ti lo na ni pëpe.”

Abungbi ti vorongo nzapa nde nde afa na azo so Nzapa ayeke mbeni ye so zo alingbi ti hinga li ti lo na ni pëpe, a hon gbungo li ti zo.

Ye so Bible afa: Jésus atene so azo so ‘amanda ti hinga oko tâ Nzapa’ ayeke wara aye ti nzoni (Jean 17:3). Me e lingbi ti hinga Nzapa ni tongana nyen tongana zo a lingbi ti hinga li ti lo na lo pëpe? Nzapa ahonde tere ti lo pëpe, lo ye ti tene azo kue ahinga lo.​—Jérémie 31:34.

Tâ tënë, e lingbi ti hinga ande ye kue na ndo ti Nzapa lâ oko pëpe. A yeke mbeni ye so a lingbi e hinga ni ndali ti so abibe ti lo nga na alege ti lo ayeke na nduzu mingi ahon ti e.​—Zo-ti-fa-tene 3:11; Ésaïe 55:8, 9.

Ti hinga tâ tënë ayeke mû maboko na mo: Tongana zo alingbi ti hinga li ti lo na Nzapa pëpe, ngbanga ti nyen ti gi ti hinga lo? Ye oko, lo mû lege na e ti hinga lo nga ti maï mbeni kpengba songo na lo. Nzapa airi Abraham so ayeke be-ta-zo atene “ndeko ti Mbi” nga David, gbia ti Israël atene: ‘L’Éternel afa tënë ti bê ti Lo na ala so akpe mbeto ti Lo.’​—Ésaïe 41:8; Psaume 25:14.

Ti tene zo aduti na mbeni kpengba songo na Nzapa akpa mbeni ye so zo alingbi ti sara lâ oko pëpe? Peut-être na tongo nda ni mo lingbi ti pensé tongaso, me bâ tënë so mbeti ti Kusala 17:27 atene: “[Nzapa a]yeke yongoro na e oko oko kue pëpe.” Na lege wa? Na lege ti Bible, Nzapa amû na e ye so ayeke mû lege na e ti hinga lo nzoni.a

Lo fa na e iri ti lo so ayeke ‘Yahve’ wala Jéhovah (Ésaïe 42:8, Tene ti Nzapa, Kozo Mbouki). Na yâ ti Bible, lo sara tënë na ndo ti aye so lo sara na azo tongaso si e lingbi ti hinga sarango ye ti tere ti lo. Nzapa angbâ gi ge pëpe, lo fa même na e atënë ti bê ti lo. Lo yeke “Nzapa ti be-nzoni na ti grâce, ngonzo ti Lo alondo fade pëpe, tene-biani na nzobe ti Lo ayeke kota mingi”. (Exode 34:6). Aye so e sara alingbi ti zia ngia na bê ti lo wala ti mû vundu na lo. Na tapande, azo ti Israël ti giriri ‘amû vundu’ na lo na ngoi so ala ke yanga ti lo. Me, ala so asara ye na lege ti ndara na mango yanga ti lo azia ngia na bê ti lo.​—Psaume 78:40; aProverbe 27:11.

[Kete tënë na gbe ni]

[Kete tënë na lembeti 4]

Tongana Nzapa ayeke Nzapa Babâ, Nzapa Molenge na Nzapa yingo vulu, ka e lingbi biani ti hinga lo?

[Lingu ti foto na lembeti 4]

The Trinity c.1500, Flemish School, (16th century) / H. Shickman Gallery, New York, USA / The Bridgeman Art Library International