Pasi so mo yeke bâ asara Nzapa tongana nyen?
Ambeni zo apensé so Nzapa ayeke bâ apasi ti e ape, nga a yeke sara lo ye oko ape.
BÂ YE SO BIBLE AFA
Nzapa ayeke bâ apasi ti e nga lo yeke pensé na e
“Jéhovah abâ so sioni ti zo ayeke mingi na ndö ti sese . . . , na bê ti lo ayeke na vundu.”—Genèse 6:5, 6.
Nzapa ayeke kaï ande apasi kue
“Na yâ ti kete ngoi, azo ti sioni ayeke duti dä encore ape; mo yeke bâ ande place so ala yeke lani dä, me ala yeke duti dä encore ape. Me azo so asara terê ti ala kete, sese ayeke ga ye ti ala, na ala yeke duti na ngia mingi na yâ ti siriri so amû ndo.”—Psaume 37:10, 11.
Ye so Nzapa aye ti sara ndali ti e
“Jéhovah atene: ‘Mbi hinga mbilimbili ye so mbi pensé ti sara ndali ti ala, mbi pensé ti mû na ala siriri, me ye ti vundu pëpe, ti mû na ala mbeni nzoni gigi ti kekereke nga na beku. Ala yeke iri mbi ande nga ala yeke ga ti sambela mbi, na mbi yeke mä ala.’”—Jérémie 29:11, 12.
“Ala ga nduru na Nzapa, lo yeke ga ande nduru na ala.”—Jacques 4:8.