Ye ti tene na ndo apériodique

Tour ti Ba Ndo 15 avril

“Na yâ ti angu so ahon ade ti ninga pëpe azo mingi abâ kiringo na peko ti aye ti yingo. Mo kue mo bâ ye so? [Zia zo ni akiri tënë. Na pekoni diko Psaume 119:105]. Aye ti yingo alingbi ti mû maboko na azo ti kpe gbâ ti ahanda na yâ fini. Périodique so afa na ndo wa a lingbi ti wara atâ ye ti yingo ni dä.”

Réveillez-vous! 22 avril

“Na ndo sese ti laso, so ye kue ague gi na loro, azo mingi ayeke hunda tele ti ala na ndo konongo hio hio ti amolenge. Tënë so agbu bê ti mo? [Zia zo ni akiri tënë. Na pekoni diko Zo-ti-fa-tene 3:1, 4]. Ngoi so zo angbâ molenge ayeke pëpe mbeni ngoi ti yongo nene kungba so alingbi gi na akota zo. Réveillez-vous! so asala tënë ti lege so ababâ na mama alingbi ti bata na amolenge ti ala so angbâ kete yongoro na sioni.”

Tour ti Ba Ndo 1 mai

“Ambeni hundango tënë ayeke dä so ahon ngangu ti azo ti kiri tënë na ni. Bâ tapande so [Diko Job 21:7]. Mo wara mbeni lâ awe mbeni hundango tënë so mo ye ti hunda na Nzapa? [Zia zo ni akiri tënë]. Périodique so afa tongana nyen azo na ambage kue ti sese awara akiringo tënë so adë bê ti ala na akpengba hundango tënë ota na ndo fini.”

Réveillez-vous! 8 mai

“Mingi ti e ahinga mbeni zo so ayeke na kobela ti diabète. Mo hinga ye mingi na ndo kobela so? [Fa kozo lembeti ti périodique ni na zia zo ni akiri tënë]. Périodique so agi nda ti aye so ayeke na gunda ti kobela ti diabète nga lege ti sava ni. Lo sala tënë nga na ndo zendo ti Bible so a yeke sava ande akobela kue teti lakue lakue.” Hunzi ni na dikongo Esaïe 33:24.