Ye ti tene na ndo apériodique

Tour ti Ba Ndo 15 déc.

“Lakue na ngoi so, azo mingi ayeke bi bê ti ala na ndo dungo Jésus. Mo hunda tele ti mo mbeni lâ awe na ndo mara ti sewa ni so lo kono lani na yâ ni? [Zia zo ni akiri tënë. Na pekoni diko Luc 2:51, 52]. Numéro ti Tour ti Ba Ndo so asala tënë na ndo anzoni ye so e lingbi ti manda na lege ti aye so Bible atene na ndo fango lege so Jésus awara.”

Réveillez-vous! 22 déc.

“E kue e ye si amolenge ti e aduti na ngia nga na fini so aga nzoni. Ti mo, ambilimbili ye wa a hunda ti tene amolenge awara si ala hon ndo ti agingo bê ti gigi ti laso? [Zia zo ni akiri tënë. Na pekoni diko aProverbe 22:6]. Numéro ti Réveillez-vous! so asala tënë na ndo aye so a hunda ti tene amolenge awara, nga tongana nyen ababâ na mama alingbi ti mû ni na ala.”

Tour ti Ba Ndo 1 janv.

“Azo mingi ayeke na kota nzara ti duti na siriri na ndo sese. Ti mo, mbeni lâ e yeke bâ ande gango tâ tënë ti atënë so? [Diko Psaume 46:10. Na pekoni zia zo ni akiri tënë]. Numéro ti Tour ti Ba Ndo so afa tongana nyen atënë so ayeke ga ande tâ tënë, nga ngbanga ti nyen e lingbi ti zia bê kue na zendo ti Nzapa ti mbeni sese so bira ayeke dä pëpe.”

Réveillez-vous! 8 janv.

“Na ndo sese kue, azo kutu mingi ayeke na akobela so ayeke mû na ala kota vundu. Wasalango e ayeke bi bê mingi na mara ti azo tongaso [diko Psaume 34:19]. Mbeti so afa tongana nyen azo ti kobela so alingbi ti wara mungo maboko. A gboto nga lê na ndo zendo ti Bible so na yâ ngoi kete a yeke lungula ande akobela kue.”