Adango bê teti Mémorial

A yeke sala ande Mémorial ti ngu so na dimanche lango 4 ti avril. A lingbi a-ancien abi bê na atënë so ge:

◼ Na sorongo ngbonga ti bungbi ni, i leke ti tene mapa na vin ahon pëpe kozoni si lâ alinda.

◼ A lingbi azo kue, nga na wamungo diskur ni, ahinga mbilimbili ngbonga nga na ndo ti matanga ni.

◼ Fade a gi mapa na vin so alingbi, na a leke ni kozo na matanga ni.​—Bâ Tour ti Ba Ndo ti 15 février 2003, alembeti 14-15.

◼ Fade a ga na asembe, averre, mbeni table na bongo ti ndo ni so alingbi. A lingbi a zia kozoni aye kue na place ni na Da ti Royaume.

◼ A lingbi a leke kozoni yâ ti Da ti Royaume kue nzoni, wala ndo so ayeke sala bungbi ni dä.

◼ A yeke soro azo ti yambango zo na ala so ayeke hon na mapa nga na vin, na a yeke fa na ala kozoni atënë na ndo kusala ti ala nga lege ti sala ni, nga ti yü bongo so ane zo na ti leke tele pendere.

◼ A lingbi a leke aye ti tene a mû mapa na vin ni na ala kue so a sa yingo na ndo ti ala, so azin na alingbi pëpe ti gue na bungbi ni.

◼ Tongana a leke ti sala abungbi mingi na yâ Da ti Royaume oko, nzoni mango tele na popo ti akongregation ayeke duti kota ye si azo ahon ndo ni senge senge pëpe na yanga ti da, na tele ti lege nga na ndo so ayeke bata akutukutu dä.