Ye ti tene na ndo apériodique

Réveillez-vous! 22 avril

“Na yâ sese ti laso, ambeni zo abâ so ala yeke na beku oko pëpe. A si na mo awe ti bâ so mo kue mo yeke na mara ti bibe tongaso? [Zia zo ni akiri tënë. Na pekoni diko aRomain 15:4.] Mingi ti azo abâ nene ti duti na beku. Mo yeke wara ande ngia na bango anda ti tënë mbasambala so Mbeti ti Nzapa afa ti duti na beku, so ayeke na yâ Réveillez-vous! so.”

Tour ti Ba Ndo 1 mai

“Na yâ ngangu ti ala ti maï dutingo ti azo, ambeni mokonzi-nzapa abi tele ti ala na yâ poroso. Me bâ ye so Jésus asala lani tongana azo aye ti sala si lo ga gbia. [Diko Jean 6:15.] Jésus azia lani lê ti lo kue na ndo mbeni ye so ayeke ga na azo nzoni so aninga. Mbeti so asala tënë na ndo ye ni so.”

Réveillez-vous! 8 mai

“Azo mingi ayeke na gbele angangu kpale na place ti kua. Ti ambeni, amba ti ala ayeke zia ala kpô pëpe. Mo hinga so Bible ayeke na wango so alingbi ti mû maboko na e ti luti na gbele mara ti akpale tongaso? [Zia zo ni akiri tënë. Na pekoni diko aProverbe 15:1.] Mbeti so amû anzoni wango na ndo tongana nyen ti ngbâ ti duti na siriri na azo na place ti kua.”

Tour ti Ba Ndo 15 mai

“Mo hunda tele ti mo lâ oko awe wala aye so azo ayeke sala na ndo sese ayeke sala mbeni ye na ndo Nzapa? [Zia zo ni akiri tënë.] Bâ tongana nyen akusala ti e alingbi ti sala ye na ndo atënë ti bê ti Nzapa. [Diko aProverbe 27:11.] Mbeti so afa ambeni tapande ti azo so azia ngia na bê ti Nzapa, na a fa nga tongana nyen e lingbi ti sala tongaso.”