Ye ti tene na ndo apériodique

Réveillez-vous! 8 juillet

“So mandako ayeke mingi laso na ando ti gingo kua, a yeke ngangu mingi ti wara mbeni kua ti nginza. Périodique so afa aye oku so ayeke mû lege na zo ti wara na mbeni kua. [Gboto lê na ndo akete li ti tënë so a sû agere-mbeti ni avuko vukongo. A yeke na yâ ti article “Cinq stratégies pour trouver un emploi.”] Périodique ni afa nga atâ ye so zo alingbi ti sala ti bata na kua ti nginza ti lo.” Diko aProverbe 22:29, so ayeke na lembeti 10 ti périodique ni.

Tour ti Ba Ndo 15 juillet

“Na yâ ti angu saki mingi ti mbaï ti zo, azo asigigi na atënë ti mabe ndenge na ndenge. Mo pensé so zo alingbi ti hinga kangbi so ayeke na popo ti atënë ti mabe so ayeke tâ tënë nga na ala so ayeke wataka? [Zia zo ni akiri tënë.] Mbeti so afa ndo so mo lingbi ti gue dä ti wara tâ nzoni fango ye so anzere na Nzapa.” Diko 2 Timothée 3:16.

Réveillez-vous! 22 juillet

“A yeke ye ti vundu mingi ti bâ azo so ayeke hu pono ndali ti akpale ti dunia tongana yengingo ti sese, ngu so asuku si amû ndo kue, akota pupu nga na ambeni ye ni nde. [Fa mbeni tapande ti aye ni so azo ti kodoro ni ahinga ni.] Mo pensé so akpale tongaso ayeke ngbâ ti gue gi na li ni? [Zia zo ni akiri tënë.] Périodique so akiri tënë na hundango tënë so. A dë nga bê ti ala so agirisa mbeni sewa ti ala ndali ti mara ti akpale tongaso.” Diko Jean 5:28, 29.

Tour ti Ba Ndo 1 août

“Laso azo mingi ayeke tiri na bibe so ayeke pusu ala ti bâ tele ti ala so ala yeke ye oko pëpe. Ti mo, ye wa a lingbi ti sala ndali ti ala? [Zia zo ni akiri tënë.] Mbeti so afa tongana nyen Bible alingbi ti mû maboko na azo tongaso ti wara tâ ngia.” Gboto lê na ndo atënë ti versê ti Bible so a sû agere-mbeti ni nde. A yeke na yâ ti article so li ti tënë ni ayeke: “Bible alingbi ti mû maboko na mo ti wara ngia.”