Mbeni ye ti kpengba azo kue

1. Kota ye wa vizite ti surveillant ti circonscription alingbi ti sara na e?

¹ Bazengele Paul asû mbeti na kongregation ti Rome lo tene: “Nzara ti bâ i asara mbi mingi, si mbi lingbi mû na i mbeni matabisi ti Yingo, si i lingbi kpengba; so atene, si e kue e lingbi kpengba na lege ti mabe ti e, mabe ti i na ti mbi.” (aRom. 1:11, 12). Na ngoi ti e, vizite ti asurveillant ti circonscription ayeke mû nga lege na azo kue ti kpengba tere.

2. Ngbanga ti nyen a yeke fa ka lango ti gango ti surveillant ti circonscription kozoni?

² Kongregation: A yeke fa mingi ni lango ti gango ti surveillant ti circonscription na kongregation nze ota kozoni. Ye so amû lege na e ti leke kapa ti e ti wara ye ti nzoni na ngoi ni so (aÉph. 5:15, 16). Tongana mo yeke sara kua ti nginza, mo lingbi peut-être ti hunda congé ti mû mbage na fango tënë na yenga ni. Ambeni aleke ti mû kusala ti pionnier auxiliaire na ngoi ti vizite ni. Tongana mo leke awe ti gue na voyage, mo lingbi ti gbian yâ ti aye so mo leke ti duti dä na yenga ni?

3. Ye wa zo oko oko alingbi ti sara ti wara wango na ngoi ti vizite?

³ Kozo nda ti gango ti surveillant ayeke ti mû wango nga ti fa akode ti fango tënë. Mo lingbi ti hunda ti fa tënë na lo wala na wali ti lo tongana lo yeke na ni? Surveillant ti circonscription ayeke na ngia ti fa tënë na awafango tënë nde nde, so na popo ni a yeke wara ala so akpengba mingi pëpe wala ala so ambeni kode ti fango tënë atia ala. Azo kue alingbi ti manda ye na ndo akode ti lo ti fango tënë nga ti sara ye alingbi na awango so lo yeke mû (1 Cor. 4:16, 17). Ti tisa lo ti te kobe legeoko na mo ayeke duti mbeni nzoni ngoi ti kpengba songo ti ala (aHéb. 13:2). Teti so diskur ti lo alingbi na bezoin ti kongregation ni, dengi më nzoni ti mä ni.

4. Tongana nyen e lingbi ti wa surveillant ti circonscription ti e?

⁴ Surveillant ti circonscription: Bazengele Paul ayeke nde pëpe na tanga ti aita so lo sara na ala. Lo yeke na akpale nga na agingo bê, na lo bâ na nene ni mingi wango ti ala (2 Cor. 11:26-28). Tongana kongregation ti Rome amä so bazengele Paul, so ayeke fadeso zo ti kanga, ayeke na lege ti ga, ambeni atambela juska na gara ti Appuis kilomètre 74 ti tingbi lo! “Tongana Paul abâ azo so, lo mû merci na Nzapa, na bê ti lo aga nzoni.” (Kus. 28:15). Legeoko nga, mo lingbi ti wa surveillant ti circonscription ti mo tongaso. Fa so mo ‘yä iri ti lo mingi mingi’ na mungo mbage na vizite ti lo (1 Tim. 5:17). Fa tâ bê ti kiri singila ti mo ndali ti ngangu so lo sara na mbage ti mo. Lo na wali ti lo ayeke duti na ngia tongana ala bâ mabe, ndoye na gbungo ngangu ti mo.​—2 Thes. 1:3, 4.

5. Ngbanga ti nyen azo kue ayeke na bezoin ti wango laso?

⁵ Na “lâ ti nda ni [so] aye ti ngangu” ayeke, zo wa aye wango pëpe? (2 Tim. 3:1). Leke na bê ti mo fadeso ti mû mbage mingi na kota yenga ti kusala na surveillant ti circonscription. E kue (wala asurveillant ti circonscription wala awafango tënë) e lingbi ti mû mbage na nzoni ngoi ti kpengbango mabe ti mba so. Na sarango tongaso, fade e yeke ‘wa tere ti e si bê ti e aga nzoni, [na] e sara na popo ti e si e kpengba’.​—1 aThes. 5:11.