Ye ti tene na ndo apériodique

Tour ti Ba Ndo 1 nov.

“Mo bâ so tongana azo kue ayeke na tâ be-ti-molenge, fade sese kue ayeke duti nzoni mingi? [Zia zo ni akiri tënë.] Bâ tënë so Jésus atene na ndo sarango ye so. [Diko Matthieu 23:12.] Article so afa nene ti gi ti duti na tâ be-ti-molenge na yâ ti sese so bibe ti sarango ye na mandako ayeke dä.”

Tour ti Ba Ndo 15 nov.

“E kue e ye ti duti na ngia nga e ye si gigi ti e anzere. Mo yeda na tënë so Jésus atene ge na ndo ti ye so a lingbi zo asara ti duti na ngia? [Diko Matthieu 5:3. Na pekoni zia zo ni akiri tënë.] Mbeti so afa tongana nyen ti kaï nzara so adü e na ni ti voro Nzapa ayeke sara si gigi ti e anzere.”

Réveillez-vous! nov.

“Na ngoi ti e so tene ti senda-ye na dengo kite ayeke dä, azo mingi abâ so Bible aga ngbene ye awe. Mo tene ti mo nyen na ndo ni? [Zia zo ni akiri tënë.] Mo hinga so atënë kue so Bible atene, so andu senda-ye, ayeke tâ tënë? [Diko Job 26:7.] Réveillez-vous! so, so ayeke nde, amû na e akpengba nda ti tënë so afa ngbanga ti nyen e lingbi ti zia bê ti e na Bible.”

Tour ti Ba Ndo 1 déc.

“Mo yeke kiri tënë na hundango tënë so tongana nyen? [Diko hundango tënë ni na ndo ti périodique ni. Na pekoni zia zo ni akiri tënë.] Ye so Nzapa aye ayeke ti bungbi amara kue ti duti ndo oko. [Diko Psaume 46:9, 10.] Mbeti so afa ye so Bible atene na ndo tongana nyen si azo ayeke duti ande beoko.”

Réveillez-vous! déc.

“Ambeni zo atene ti ala so kuâ ayeke zi lege na zo ti duti na fini na mbeni ndo nde; ti ambeni, ala tene so tongana zo akui awe, ti lo na fini ahunzi biaku awe. Ti mo, kuâ ayeke mbeni ye so a lingbi zo asara mbeto ni? [Zia zo ni akiri tënë.] Bâ tënë ti Job na ndo ti beku ti lo tongana ayeke ti tene lo kui. [Diko Job 14:14, 15.] Mbeti so afa ye so Mbeti ti Nzapa atene polele na ndo ti ye so ayeke si na e tongana e kui.”