Ye ti tene na ndo ti apériodique

Tour ti Ba Ndo 1 juillet

“Laso azo adiko mingi abuku na ndo ti batango molenge, ndoye, na aye so zo asara lo mveni ti bâ nzoni dä. Ti mo, mo bâ so abuku so alingbi ti mû maboko na mo? [Zia zo ni akiri tënë.] Azo mingi abi bê pëpe na ndo ti lingu ti tâ nzoni wango. [Diko 2 Timothée 3:16.] Mbeti so afa ndani so e lingbi ti zia bê ti e na Bible na afa ambeni nzoni wango so ayeke na yâ ni.”

Réveillez-vous! juillet

“Mingi ti e akiri singila ndali ti aye so ababâ na amama ti e afa na e. Ti mo, a yeke sioni ti tene zo akiri abâ yâ ti aye so a fa na lo na ndo ti tënë ti Nzapa na ngoi so lo de kete? [Zia zo ni akiri tënë. Na pekoni diko 1 Jean 4:1.] Mbeti so afa wala a yeke sioni ti tene zo achangé eglize ti lo.” Fa tënë so ayeke na lembeti 28.

Tour ti Ba Ndo 1 août

“Mingi ti azo ayeke na Bible, me ala bâ so a yeke ngangu ti gbu nda ni. Mo nga kue mo bâ tongaso? [Zia zo ni akiri tënë. Na pekoni diko Psaume 119:130.] Versê so afa so Lo so ayeke na gunda ti Bible aye si e mä yâ ti atënë ni na e bâ nzoni dä. Mbeti so afa aye ota so alingbi ti mû maboko na e ti gbu nda ti Bible.”

Réveillez-vous! août

“E kue a si na e awe ti bâ pasi ndali ti so mara ti e wala dutingo ti e ayeke nde. Mo pensé Nzapa abâ ti lo ye ni tongana nyen? [Zia zo ni akiri tënë. Na pekoni diko Kusala 10:34, 35.] Bible alingbi ti mû maboko na e ti hon ndo ti aye so nga ti zi mara ti asioni bibe tongaso na yâ ti bê ti e. Mbeti so asara tënë na ndo ni.”