Ye ti tene na ndo ti apériodique

Tour ti Ba Ndo 1 juin

“Lâ oko mo hunda tere ti mo awe ngbanga ti nyen Nzapa azia si azo ayeke bâ pasi? [Zia zo ni akiri tënë.] Bâ tënë so mbeni wasungo Psaume ahunda na tere ti lo na so mingi ti azo ahunda nga na tere ti ala. [Diko Psaume 10:1.] Mbeti so afa bibe ti Bible na ndo ti tënë so Nzapa azia si azo ayeke bâ pasi na afa nga ye so Nzapa ayeke sara ti zi ni.”

Réveillez-vous! juin

“A-eglize ayeke hunda ka nginza na azo ndali ti batême, mariage nga ti tene a sambela na ndo ti kuâ. Ti mo, a yeke na lege ni? [Zia zo ni akiri tënë.] Bâ tënë so Jésus atene na adisciple ti lo. [Diko Matthieu 10:7, 8b.] Mbeti so afa tënë so Bible atene na ndo ti hundango nginza so abungbi ti vorongo Nzapa ayeke hunda ndali ti akusala so ala sara.” Fa article so ato nda ni na lembeti 22.

Tour ti Ba Ndo 1 juillet

“Laso mingi ti a-eglize ayeke sara tënë na ndo ti siokpari tongana ti kozo pëpe. Ti mo tënë ti siokpari ayeke ngbene tënë, wala ayeke mbeni ye so a lingbi e bi bê ti e dä? [Zia zo ni akiri tënë. Na pekoni, diko aRomain 5:12.] Mbeti so afa tënë so Bible atene na ndo ti siokpari.”

Réveillez-vous! juillet

“Kpale ti konomi so amû yâ ti dunia laso asara si azo agi bê ti ala mingi. Azo so a zi ala na kua ayeke gi bê ti ala mingi, nga ala so angbâ ti sara kua, mbeto ti tene a zi ala mbeni lâ na kua asara ala. Mo pensé so tënë so ge ayeke mû maboko na e? [Diko Matthieu 6:34. Na pekoni, zia zo ni akiri tënë.] Mbeti so amû na e apendere wango na ndo ti tongana nyen ti sara kusala na nginza ti e nzoni nga ti hon ndo ti agingo bê ti e.”