Calendrier ti ngu 2011 agboto lê na ndo ti Mandango tënë ti Nzapa na sewa

Mama-tene ti Calendrier des Témoins de Jéhovah ti ngu 2011 ayeke Mandango tënë ti Nzapa na sewa. Calendrier ni afa asewa ti laso nga na asewa so a sara tënë ti ala na yâ ti Bible. A fa nga awakua ti Jéhovah, akoli na awali so asara mariage awe nga na akumbamba, ala yeke manda Bible.

Azo so a sara tënë ti ala na yâ ti Bible, so a fa ala na yâ ti calendrier ni awara ngia ti ala na yâ ti Ndia ti Jéhovah, na ye so ayeke lani kpengba ye so amû maboko na ala ti hon ndo ti akpale so ala wara (Ps. 1:2, 3). Tongana e yeke bâ afoto oko na oko so ayeke na yâ ti calendrier ni ayeke dabe ti e na ndo ti nene ti Mandango tënë ti Nzapa na sewa atâa e yeke na yâ ti mbeni sewa so ayeke kota wala kete, so azo ti yâ ni kue avoro Jéhovah wala ambeni avoro Jéhovah pëpe. Na yâ ti calendrier ni, a zia aplace ti tene mo sû na lango so sewa ti mo asoro teti Mandango tënë ti Nzapa na sewa. Mo sû ni awe?