Ye ti tene na ndo ti apériodique

Tour ti Ba Ndo 1 janvier

“Azo mingi apensé so acréature ti yingo ayeke dä so ayeke sara ngangu na ndo ti fini ti e. Mo pensé ti mo nyen? [Zia zo ni akiri tënë. Na pekoni diko Apocalypse 12:7-9.] Périodique so afa ye so Bible atene na ndo ti ala, lege so ala yeke sara ngangu na ndo ti e. Périodique ni afa wala e lingbi ti sara tënë na ala wala pëpe.”

Réveillez-vous! janvier

“Ambeni zo apensé so mango na bê na Nzapa aluti mingi ni na ndo ti aye so agbu bê ti zo ahon atënë so nda ni aluti nzoni. Mo pensé ti mo nyen? [Zia zo ni akiri tënë.] Ti Bible, a yeke nzoni zo amä na bê gi tongaso pëpe. [Diko 1 Jean 4:1.] Article so ato nda ni na lembeti 28 afa tongana nyen ti hinga so mabe ti e aluti na ndo ti atënë so gere ni aluti nzoni.”

Tour ti Ba Ndo 1 février

“Azo mingi apensé so yaka ti Éden ayeke ti lo dä ândö pëpe. Li ti mo akpe ti hinga so Jésus asara lani tënë ti Adam na Ève tongana atâ zo so ayeke lani dä? [Zia zo ni akiri tënë. Na pekoni diko Matthieu 19:4-6.] Périodique so akiri tënë na ambeni hundango tënë so azo ayeke hunda ka na ndo ti yaka ti Éden.”

Réveillez-vous! février

“Laso mo bâ mo tene tënë ti azo ti nyongo mênë ti zo, azo ti magie nga na azo ti likundu ayeke gbu bê ti azo mingi. Mo bâ so ti bi tere na yâ ti sarango yorö asara sioni na zo pëpe? [Zia zo ni akiri tënë.] Bâ tongana nyen Nzapa agboto lani mê ti azo ti Israël ti giriri. [Diko Deuteronome 18:10-12.] Périodique so afa ye so Bible atene na ndo ti sarango yorö.”