Ye ti tene na ndo ti apériodique

Tour ti Ba Ndo 1 février

“Azo mingi apensé so yaka ti Éden ayeke ti lo dä ândö pëpe. Li ti mo akpe ti hinga so Jésus asara lani tënë ti Adam na Ève tongana atâ zo so ayeke lani dä? [Zia zo ni akiri tënë. Na pekoni diko Matthieu 19:4-6.] Périodique so akiri tënë na ambeni hundango tënë so azo ayeke hunda ka na ndo ti yaka ti Éden.”

Réveillez-vous! février

“Teti so Bible ayeke mbeni buku so aninga mingi awe, ambeni zo atene so atënë ti yâ ni ague oko na tënë ti senda-ye pëpe. Mo tene ti mo nyen? [Zia zo ni akiri tënë.] Li ti azo mingi akpe ti mä tënë so Bible atene. [Diko Ésaïe 40:22.] Article so ato nda ni na lembeti 22 akiri tënë na hundango tënë so: Atënë ti Bible na ti senda-ye ague oko?”

Tour ti Ba Ndo 1 mars

“Laso azo ayeke sara divorce mingi. Ti mo, mo pensé so tâ ndani ayeke nyen? [Zia zo ni akiri tënë.] Bâ wango so ayeke ge, so asewa mingi abâ so amû maboko na ala mingi. [Diko 1 aCorinthien 10:24.] Mbeti so afa aye omene so akoli na awali so asara mariage awe ayeke dema tere na ndo ni, na afa nga tongana nyen sarango ye ague oko na awango ti Bible alingbi ti mû maboko.”

Réveillez-vous! mars

“Teti so azo mingi ayeke tiri na kobela, e yeke sara lisoro na ndo ti versê so ge, so amû ngangu na e. [Diko Ésaïe 33:24.] Na ngoi so ande atënë so ayeke ga tâ tënë, mo pensé ti mo so fini ayeke duti ande tongana nyen? [Zia zo ni akiri tënë.] Juska na ngoi so Nzapa ayeke ga na gbiango ye so, ambeni kozo ye ayeke dä so a lingbi e kue e sara ti tene seni ti e aga nzoni. Mbeti so afa ni.”