Maï akode ti fango tënë ti mo: Fango tënë na ando ti dengo buze

Ndani so a yeke kota ye: Ndali ti so azo ayeke sara kua na ndapre juska na lakui, nzoni lege ti tene e ndu bê ti ala na nzoni tënë ti Royaume ayeke ti tene e gue e fa tënë na ala na place ti kua ti ala. Ti fa tënë na ando ti dengo buze alingbi ti ga na ye ti nzoni, ndali ti so mo yeke wara azo ni kue nga azo ti kango ye ayeke ne mingi azo so ayeke ga ndali ti so ala yeke bâ ala tongana azo so aga ti vo ye. Ti fa tënë nzoni, a lingbi e sara ye na ndara, e yü bongo nzoni nga e leke tere ti e pendere (2 aCor. 6:3). Tongaso, a lingbi surveillant ti kusala abâ fani oke la a lingbi ti fa tënë na ando ti dengo buze nga ti bâ zo wa la alingbi ti sara ni.