GIGI TI E TI CHRÉTIEN
“Jéhovah, . . . mbi zia bê ti mbi na ndo ti mo”
A yeke kota ye ti tene e zia bê ti e na ndo ti Jéhovah na ngoi so aye atambela nzoni nga na ngoi ti kpale (Ps 25:1, 2). Na popo ti ngu 800 ti kiri na ngu 700 kozo na ngoi ti e, aJuif so ayeke na Juda atingbi lani na mbeni ngangu kpale so asara si ti zia bê ti ala na Nzapa ayeke kete ye ape. E lingbi ti manda ye mingi na lege ti ye so asi lani so (aRm 15:4). Na peko ti so mo bâ vidéo “Jéhovah, . . . mbi zia bê ti mbi na ndo ti mo”, kiri tënë na ahundango ndo so ge:
Ngangu kpale wa la Ézéchias atingbi na ni?
Tongana nyen la Ézéchias asara ye alingbi na mama-ndia so ayeke na aProverbe 22:3 ti leke ye kozoni si awato aga asara camp na tere ti gbata ni?
Ngbanga ti nyen Ézéchias ake ti zia gbata ni na azo ti Assyrie wala lo ke ti te mbele na kodoro ti Égypte?
Na lege wa Ézéchias ayeke mbeni nzoni tapande ndali ti aChrétien?
Aye wa la laso alingbi ti sara si a yeke ngangu na e ti zia bê ti e kue na ndo ti Jéhovah?