Afini yayu na fini sese ayeke sara si azo aduti na kota ngia

Zendo ti Nzapa ti kiringo na aye kue na place ni so a sara tënë ni na Ésaïe chapitre 65 ayeke si ande biani, ni la Jéhovah asara tënë ni na mbeni lege so mo bâ mo tene aye ni asi awe.

Jéhovah acréé afini yayu na fini sese, azo ayeke dabe ti ala na angbene ye encore ape

65:17

Afini yayu ni ayeke nyen?

• Mbeni fini gouvernement so ayeke sara ande si sarango ye ti mbilimbili amû ndö ti sese

• A bâ gigi na ngu 1914 na ngoi so a zia Jésus na ndö ti trône tongana Gbia ti Royaume ti Nzapa

Fini sese ni ayeke nyen?

• A yeke bungbi ti azo so alondo na yâ ti akodro kue, ayanga ti kodro kue nga na amara kue; ala yeke na ngia ti woko terê na gbe ti komandema ti fini gouvernement ti yayu

Na lege wa la azo ayeke dabe ti ala na angbene ye encore ape?

• Aye tongana kobela, kobela ti li nga na apasi ayeke si ande na e pëpe nga zo ayeke dabe ti lo na ni encore ape

• Abe-ta-zo ayeke duti ande na mbeni fini so asi singo na aye ti nzoni nga ala yeke dabe ti ala na apendere ye so ala yeke sara lâ oko oko