“Ye so Nzapa abungbi na gbe ti joug oko awe . . .”

Ndia ti Moïse ahunda na mbeni koli so aye ti sara divorce ti sû mbeni mbeti so ndia ayeda na ni. Ye so akanga lege lani na azo ti dö terê hio ti sara divorce. Me na ngoi ti Jésus, akota zo ti nzapa asara si a yeke ngangu pëpe na azo ti sara divorce. Akoli alingbi ti sara divorce na awali ti ala ndali ti araison nde nde kue. (anote ti étude na ndö ti “mbeti ti divorce,” “asara divorce na wali ti lo,” “andâ lo gi mbeni wali nde la, na lo sara sioni na wali ti lo” so ayeke na Mr 10:4, 11, nwtsty) Jésus afa so Jéhovah la azia gere ti mariage na sese (Mc 10:2-12). Mbeni koli na wali so asara mariage awe adoit ti ga “terê oko” biani biani. Mbaï ti mbeti ti Matthieu so ague oko na ti Marc afa so “lango-sioni” la ayeke oko raison so Bible ayeda na ni ti tene zo asara divorce.—Mt 19:9.

Laso, bango ndo ti azo mingi na ndö ti mariage ayeke tongana ti Jésus ape, me tongana ti aFarizien. Tongana akpale alondo, azo ti dunia ayeke nduru ti sara divorce hio. Me ti akoli na wali so ayeke awakua ti Jéhovah, ala bâ zendo ti mariage ti ala na nene ni nga ala yeke sara ngangu ti sara ye alingbi na amama-ndia ti Bible ti leke na akpale. Na peko ti so mo bâ vidéo Ndoye na nengo mba asara si asewa aduti beoko, kiri tënë na ahunda so:

• 

  Tongana nyen la mo lingbi ti sara ye alingbi na aProverbe 15:1 na yâ ti mariage ti mo? Ngbanga ti nyen a yeke kota ye?

• Tongana nyen la sarango ye alingbi na aProverbe 19:11 ayeke aidé mo ti hon ndö ti akpale?

• Tongana mariage ti mo aye ti buba, ahon ti tene mo hunda terê ti mo: ‘A lingbi mbi sara divorce?’ Ahundango ndo wa la a lingbi mo gbu li ti mo dä?

• Tongana nyen la mo lingbi ti sara ye alingbi na Matthieu 7:12 ti duti nzoni koli wala nzoni wali?