GIGI TI E TI CHRÉTIEN
Aréseaux sociaux: Kpe akpale so alingbi ti ga na peko ni
NDANI SO A YEKE KOTA YE: Tongana ti mingi ti agbakuru, aréseaux sociaux alingbi ti aidé zo wala ti sara sioni na zo. Ambeni ita amû desizion ti sara kua na ni ape. Ti ambeni, ala sara kua na aréseaux sociaux ti ngbâ ti wara asango na ndö ti afami wala akamarade ti ala. Me, Zabolo aye si e sara kua na ni na lege ti ndara ape; ye so alingbi ti buba iri ti e nga na songo ti e na Jéhovah. Na tapande ti Jésus, e lingbi ti sara kua na amama-ndia ti Bible ti hinga akpale ti peko ni nga ti kpe ni.—Lc 4:4, 8, 12.
AKPALE SO A LINGBI E KPE NI:
Sarango kua ahon ndö ni na aréseaux sociaux. Ti mû ngoi mingi ti sara kua na aréseaux sociaux wala ambeni ye tongaso alingbi ti buba ngoi so e lingbi fade ti mû ni ndali ti aye ti yingo
Amama-ndia ti Bible: aÉp 5:15, 16; aPh 1:10
Bango aye so ayeke na lege ni ape. Bango afoto so alingbi ti zingo nzara ti terê ti zo alingbi ti gue na e ti ga ngbâa ti porno wala ti sara ambeni ye ti sioni. Tongana mbeni zo adiko ambeti ti a-apostat wala lo gue na ndö ti asite ti ala, a lingbi ti buba mabe ti lo
Ziango acommentaire wala afoto so ayeke na lege ni ape. Teti so bê ti zo alingbi ti handa lo, mbeni zo alingbi ti gi ti zia na ndö ti mbeni réseaux sociaux acommentaire wala afoto so ayeke na lege ni ape. Me, ye so alingbi ti buba iri ti zo ni wala ti sara si lo pika gere ti lo na lege ti yingo
Amama-ndia ti Bible: aRm 14:13; aÉp 4:29
BÂ VIDÉO ZIA SI ARÉSEAUX SOCIAUX AHANDA MO APE, NA PEKONI KIRI MO BÂ TONGANA NYEN TI KPE AYE SO A FA NA YÂ TI VIDÉO NI: