GIGI TI E TI CHRÉTIEN
Soro angia so mo ye ti sara na lege ti ndara
Ngbanga ti nyen la a lingbi e soro angia so e ye ti sara na lege ti ndara? Ngbanga ti so tongana e soro mbeni film ti bâ, mbeni bia ti mä, mbeni site ti gue na ndö ni, mbeni buku ti diko wala mbeni jeu ti sara, andâ e yeke soro ye so e ye ti yôro na yâ ti li ti e la. Aye so e yeke soro ayeke sara ngangu na ndö ti asarango ye ti e. Mawa ni ayeke so, mingi ti angia ti laso asi singo na aye so Jéhovah ake ni (Ps 11:5; aGl 5:19-21). A yeke ndani la, Bible awa e ti ngbâ ti bi bê ti e na ndö ti aye so amû gonda na Jéhovah.—aPh 4:8.
BÂ VIDÉO NGIA WA LA A LINGBI MBI SORO? NA PEKONI, KIRI TËNË NA AHUNDA SO:
Tongana nyen la angia ti agladiateur ti azo ti Rome ti ândö akpa terê na ambeni ngia ti ngoi ti e?
Tongana nyen la aita ti congrégation alingbi ti mû maboko na aita so ade maseka ti soro ngia so ala ye ti sara na lege ti ndara?
A lingbi aRomain 12:9 a-aidé e tongana nyen na ngoi so e ye ti soro mbeni ngia?
Ambeni tapande ti anzoni ngia wa la a yeke sara ni na ndo so mo yeke dä?