Mû ngoi ti duti na terê ti azo so aye Jéhovah

Ngbanga ti nyen la a lingbi e mû ngoi ti duti na terê ti azo so aye Jéhovah? Ngbanga ti so azo so e yeke mû ngoi ti duti na terê ti ala alingbi ti pusu e ti sara nzoni ye wala sioni ye (aPr 13:20). Na tapande, Gbia Joas ‘asara ye so ayeke nzoni na lê ti Jéhovah’ na ngoi kue so lo mû ngoi ti duti na terê ti Kota Prêtre Jéhoïada (2Ch 24:2). Na peko ti kuâ ti Jéhoïada, Joas ake Jéhovah ndali ti so lo sara songo na asioni zo.—2Ch 24:17-19.

Na ngoi ti akozo aChrétien, bazengele Paul ahaka congrégation ti aChrétien na “mbeni kota da” nga lo haka amembre ti congrégation ni na “ata,” wala akungba ti yâ ti da ni. E yeke ngbâ ti duti “mbeni ta so ayeke ti sara na kota kua” tongana e ke ti sara songo na azo kue so asara ye so anzere na lê ti Jéhovah ape, même tongana ayeke mbeni zo ti sewa ti e wala mbeni ita ti congrégation (2Tm 2:20, 21). Tongaso, zia e ngbâ ti sara kamarade na azo so aye Jéhovah nga so alingbi ti pusu e ti sara na lo.

BÂ VIDÉO GI TI KE ASIONI KAMARADE, NA PEKONI, KIRI TËNË NA AHUNDA SO:

• Na ambeni lege wa la e lingbi ti sara songo na asioni zo?

• Nyen la amû maboko na aita ota so na yâ ti vidéo so ti ke asioni kamarade?

• Amama-ndia ti Bible wa la alingbi ti mû maboko na mo ti soro akamarade ti mo na lege ti ndara?