GIGI TI E TI CHRÉTIEN
Ngbâ ti fa lege na ngangu ti gbungo li ti mo
Mbeni zo ti kpengo loro adoit ti ngbâ lakue ti tara terê ti lo, tongaso si amuscle ti lo angbâ ti kpengba. Legeoko nga, e doit ti ngbâ lakue ti sara effort ti tara ngangu ti gbungo li ti e nga ti bata ni (aHb 5:14). Atâa so e lingbi ti gi ti mû gï mara desizion so amba ti e amû, e doit ti hinga tongana nyen ti gbu li ti e nga ti mû adesizion e wani. Ngbanga ti nyen? Ngbanga ti so zo oko oko ayeke kiri tënë ndali ti adesizion ti lo wani.—aRm 14:12.
A lingbi e tene ape so e yeke mû anzoni desizion gï ndali ti so e wara batême asara angu mingi awe. Ti mû anzoni desizion, e doit ti zia bê ti e kue na ndö ti Jéhovah, Tënë ti lo nga na bungbi ti lo.—Jos 1:7, 8; aPr 3:5, 6; Mt 24:45.
BÂ VIDÉO “NGBÂ TI DUTI NA NZONI CONSCIENCE,” NA PEKONI KIRI TËNË NA AHUNDA SO:
Desizion wa la Emma ayeke na ni ti mû?
Ngbanga ti nyen la e doit ti fa abango ndo ti e wani pëpe na ndö ti aye so andu conscience?
Nzoni wango wa la mbeni couple amû na Emma?
Na ndo wa la Emma awara anzoni sango na ndö ti kpale ti lo?