GIGI TI E TI CHRÉTIEN
Zia bê ti mo na Jéhovah tongana a gi yanga ti mo
Azo so ayeke gi yanga ti e apeut ti sara sioni na e nga ala sara si vundu asara e. Ala peut même ti sara si yâ ti songo ti e na Jéhovah awoko tongana e sara mbeto na ngoi so ala kanga lege na e ti voro Jéhovah. Tongana nyen la mo peut ti bata terê ti mo tongana mbeni zo agi yanga ti mo?
Mingi ti azo so avoro Jéhovah awara lege ti hon ndö ti gingo yanga na lege so ala zia bê ti ala na Jéhovah (Ps 18:17). Na tapande, Esther afa na gigi aye so Haman, sioni zo ti gingo yanga aleke ti sara (Est 7:1-6). Kozo ti sara ni, lo fa so lo zia bê ti lo na Jéhovah na lege so lo mû jeûne (Est 4:14-16). Jéhovah asara tufa na ndö ti aye so Esther asara nga lo bata azo ti lo.
Amaseka, tongana a gi yanga ti ala, ala hunda Jéhovah ti aidé ala nga ala sara tënë ti kpale ti ala ni na mbeni ita so ayeke biazo, peut-être babâ na mama ti ala. Ala peut ti duti sûr so Jéhovah ayeke aidé ala tongana ti so lo aidé lani Esther. Mbeni ye nde wa la ala peut ti sara tongana a gi yanga ti ala?
BÂ VIDÉO GIGI TI MBI TI MASEKA: NYEN LA MBI PEUT TI SARA TONGANA A GI YANGA TI MBI? NA PEKONI KIRI TËNË NA AHUNDA SO:
Nyen la amaseka apeut ti manda na lege ti tapande ti Charlie na Ferin?
Nyen la ababâ na amama apeut ti manda na lege ti atënë so Charlie na Ferin atene na ndö ti fason so ala aidé amolenge ti ala ti hon ndö ti gingo yanga?