Mbeni ye so asi

Bâ mawa ti azo kue

Mbeni lâ, mbeni ita-wali na Nouvelle-Zélande abâ vidéo ‘Ala bi bê ti ala na mba,’ so afa tongana nyen la Jéhovah ayeke bâ mawa ti zo nga lo yeke fa ni (És. 63:​7-9). Lo mû desizion ti sara ye alingbi na ye so lo manda na lo gi lege ti aidé mbeni zo. Gï na yâ ti lango ni so, na ngoi so lo gue ti vo ye, lo wara mbeni wali so ayeke na ndo ti lango ape na lo hunda lo ti vo na lo kobe. Wali ni ayeda. Na ngoi so ita-wali ni aga na lo kobe ni, lo fa tënë na lo na lege ti tract Pasi ayeke hunzi ande la?

Wali ni akomanse ti toto. Lo tene lo kono na yâ ti sewa ti aTémoin, me lo zia tâ tënë a sara ngu mingi awe. Ade a ninga ape, lo sambela Jéhovah ti aidé lo ti kiri na Lo. Ita-wali ni amû na lo Bible nga lo leke ti tene a manda ni na lo.a

Tongana ti Jéhovah, e peut ti fa so e bâ mawa ti azo, na tapande afami ti e nga na aita ti congrégation. E peut ti fa nga so e bâ mawa ti azo na lege so e gi alege kue ti fa tënë na ala.