Lege ti gbu ngangu tongana a sara ye na mo na lege ni ape

Diko Genèse 37:​23-28; 39:​17-23 ti hinga tongana nyen la Joseph agbu ngangu na ngoi so a sara ye na lo na lege ni ape.

Gbu li na ndö ti atënë so angoro tënë ni. Ngbanga ti nyen la azo asara ye lani na Joseph na lege ni ape? (Gen. 37:​3-11; 39:​1, 6-10). Joseph adoit lani ti gbu ngangu ngoi oke? (Gen. 37:2; 41:46). Na ngoi ni so, nyen la Jéhovah asara lani ndali ti Joseph? Nyen la Jéhovah asara ape?—Gen. 39:​2, 21; w23.01 17 ¶13.

Gi ti hinga ye mingi na ndö ni. Atâa so tënë so wali ti Potiphar atene na ndö ti Joseph ayeke lani tâ tënë ape, Bible atene ape so Joseph atene so wali ni atene mvene. Tongana nyen la aversê so apeut ti aidé e ti hinga ndani so Joseph asoro lani ti duti kpô wala ndani so e bezoin ape ti tene a fa na e anzene nzene tënë kue na ndö ni? (aProv. 20:2; Jean 21:25; Kus. 21:37). Asarango ye wa la peut-être a-aidé lani Joseph ti gbu ngangu na ngoi so a sara ye na lo na lege ni ape?—Mi. 7:7; Luc 14:11; Jacq. 1:​2, 3.

Aye ti manda ni ayeke so wa? Hunda terê ti mo:

• ‘So mbi yeke disciple ti Jésus, sarango ye wa la ayeke na lege ni ape so azo apeut ti sara na mbi so mbi peut ti ku terê ti mbi na ni?’ (Luc 21:​12, 16, 17; aHéb.10:​33, 34).

• ‘Nyen la mbi peut ti sara fadeso so ayeke aidé mbi ti gbu ngangu tongana a sara ye na mbi na lege ni ape?’ (Ps. 62:​7, 8; 105:​17-19; w19.07 2-7).