Sara kua na Bible tongana tatara

Disciple Jacques ahaka Bible na tatara so ayeke aidé e ti bâ zo ti e ti yâ ni (Jacq. 1:​22-25). Tongana nyen la e peut ti sara kua na Bible nzoni tongana mbeni tatara?

Diko ni nzoni. Tongana e bâ terê ti na yâ ti tatara hio e hon, e lingbi pëpe ti bâ mbeni ye so ayeke na lege ni ape. Legeoko nga, tongana e diko Bible na loro loro, e lingbi pëpe ti bâ aye so e bezoin ti changé ni.

Bâ gï mo wani me azo ape. Na ambeni ngoi tongana e bâ ndo na yâ ti tatara e peut nga ti bâ amba ti e, na e bâ ye so ayeke na lege ni ape na terê ti ala. Legeoko nga, e peut ti diko Bible na e pensé na aye so amba ti e adoit ti changé. Me a yeke aidé e ape ti changé aye so e doit ti changé.

Sara ye ahon ndö ni ape. Tongana e bâ terê ti e na tatara si e bâ gï aye so e ye ni ape, e peut ti découragé. E doit ti sara ye ahon ndö ni ape na ngoi so e yeke diko Bible na e ku ye mingi ape na mbage ti e wani ahon ti so Jéhovah ahunda.—Jacq. 3:17.