Ndo achauffé mingi na yâ ti dunia ahon ti kozo: Bible atene nyen na ndö ni?

Asango afa so na yâ ti dunia ndo achauffé mingi ahon ti kozo:

• “Fani use na yâ ti nze so, akota zo ti kodro ti Chine agboto mê ti azo na yâ ti agbata presque 70, so ndo ayeke chauffé mingi.”—CNN Wire Service, 25 juillet 2022.

• “Wâ agbi agbako na ambeni kodro na Europe ndali ti so ndo achauffé mingi.”—The Guardian, 17 juillet 2022.

• “So ndo achauffé mingi na ambage ti est, sud nga na ouest ti États-Unis asara si na dimanche, gba ti agbata achauffé mingi ahon ti kozo.”—The New York Times, 24 juillet 2022.

Aye so kue aye ti tene nyen? Eskê yeke yeke sese ayeke ga ande mbeni ndo so azo apeut ti vivre dä ape? Bible atene nyen na ndö ni?

Eskê Bible atene kozo awe tënë ti chauffengo ti ndo?

En. Chauffengo ti ndo na yâ ti dunia ague oko na aye so Bible atene kozo awe ayeke si na ngoi ti e. Na tapande, Jésus atene lani so e yeke “bâ aye so amû mbeto na zo” wala “ye ti sara mbeto mingi.” (Luc 21:11; La Sainte Bible en Sango). So ndo achauffé mingi na yâ ti dunia asara si mingi ti azo ayeke na mbeto so aye so azo ayeke sara, a yeke sara ande si sese aga mbeni ndo so azo apeut ti vivre dä ape.

Eskê sese ayeke ga ande mbeni ndo so azo apeut ti vivre dä ape?

Ên-ën. Nzapa aleke sese ti tene azo avivre dä teti lakue lakue (Psaume 115:16; Zo-ti-fa-tene 1:4). Ahon ti zia lege na azo ti buba sese, lo mû zendo so lo yeke “futi azo so ayeke futi sese”.—Apocalypse 11:18.

Bâ aprophétie use so afa ambeni zendo nde so Nzapa amû:

• “Benyama nga na ndo so ahule ngangu ayeke duti ande na ngia mingi; kpangbala ndo ti désert ayeke duti ande na ngia, nga apendere fleur ayeke sigi dä gbani gbani.” (Ésaïe 35:1). Nzapa ayeke yeda ape ti tene sese aga ndo so azo apeut ti vivre dä ape, me lo yeke kiri ti leke ambage ti sese so abuba.

• “Mo bâ lege ti sese nzoni, mo sara si aye alë dä gbani nga sese ni ayeke na anzoni ye mingi.” (Psaume 65:9). Nzapa ayeke sara si sese aga ande paradis.

Ti hinga ye mingi na ndö ti tongana nyen la prophétie ti Bible na ndö ti changement ti climat aga tâ tënë, diko article “Les changements climatiques et notre avenir : qu’en dit la Bible ?”

Ti hinga ye mingi na ndö ti zendo ti Bible so a yeke kiri ti leke sese, bâ article “Qui sauvera la terre ?”