HUNDA TI AMASEKA

Ngbanga ti nyen la babâ na mama ti mbi azia lege na mbi ti sara ambeni ngia ape?

Akamarade ti mo a-invité mo na mbeni fête na weekend so. Mo hunda babâ na mama ti mo wala eskê mo peut ti gue, me ala “ke” na kuru go. Ye so a-étonné mo ape. A yeke gï même réponse so ala mû na mo ade ti ninga ape.

Na yâ ti article so e yeke bâ

Ngbanga ti nyen la babâ na mama ti mbi ayeke ke ka na mbi lakue ti sara ambeni ye?

Tongana babâ na mama ti mo ayeke ke na mo lakue ti sara ambeni ye, hio mo peut ti pensé so ala ye gï ti tene mo sara ngia ape.

A yeke ye so mbeni maseka-wali so iri ti lo Marie apensé na ni na temps so lo wara kozo téléphone ti lo la. Lo tene: “Babâ ti mbi alu na mbi lani gbâ ti andia na ndö ti a-application so mbi doit ti téléchargé ni, azo so mbi yeke causé na ala nga ngoi oke la mbi yeke mû ti causé na ala. Me, akamarade ti mbi ayeke sara ti ala aye so bê ti ala aye.”

Ti gbu li na ndö ni: Ti vrai ni eskê babâ ti Marie aye ti tene lo sara ngia ape? Mbeni ye nde wa la babâ ti lo ni ayeke gi bê ti lo na ndö ni?

Mbeni oto ayeke hon na ndö ti lege. Na terê ti lege ni a zia mbeni panneau so afa so vitesse ni adoit ti hon “50” ape. Compteur ni afa so vitesse so oto ni akpe na ni ayeke 50. — Apanneau so afa vitesse so zo adoit ti hon ni ape ayeke zi mbeni mbage ti liberté ti zo, me ayeke bata zo si sioni asi na lo ape; Andia so babâ na mama ti mo alu ayeke bata nga mo tongaso

Tara ti sara ye so: Imaginé so mo yeke mbeni babâ wala mama ti mbeni molenge so alondo ti wara téléphone fini fini. Nyen la mo yeke gi bê ti mo na ndö ni? Andia wa la mo yeke lu na molenge ti mo ni tongaso si abata lo? Tënë ti nyen la mo yeke tene na molenge ti mo ni tongana lo tene na mo so mo ye ti tene lo sara ambeni ngia ape?

“Babâ ti mbi ayeke tene ka lakue na mbi, atene: “Tara ti zia terê ti mo na place ti mbi, na imaginé so mo yeke mbeni babâ wala mama.’ Ti sara tongaso a-aidé mbi ti bâ so andia ni ayeke kota ye me nga ayeke ndali ti nzoni ti mbi. Tongana mbi yeke fade na amolenge mbi yeke hunda na ala ti sara gï a-oko ye so babâ ti mbi ahunda na mbi ti sara.”—Tanya.

Nyen la mbi peut ti sara ti tene babâ na mama ti mbi ayeda na mbi ti sara ambeni ye?

Mbeni maseka-koli so acroisé maboko ti lo ayeke diko tënë na gbe ti go nga guru asigi na yâ ti mê ti lo.

Sara ye so ape: Diko tënë na gbe ti go ape, dema terê ti mo ape wala dë kite ape.

“Ti dekongo la ayeke solution ape, ye so ayeke sara si mo na babâ na mama ti mo kue ayeke fatigué. Tongana mo ye gï ti tene babâ na mama ti mo ayeda gï na tënë ti mo, ala peut ti pensé so ade mo kpengba ape nga ade mo lingbi ape ti tene ala zia na mo ambeni liberté.”—Richard.

Tara ti sara ye so: Kpe ti réagir na lê ni lê ni. Ahon ti sara tongaso, gi ti bâ aye ni tongana ti so babâ na mama ti mo abâ na ni. Hunda terê ti mo: Eskê vrai kpale ni ayeke so ala yeke na confiance na mo ape? Wala eskê ndo ni wala azo so mo na ala ayeke causé ka la asara si ala yeke gi bê ti ala na ndö ti mo? Tongana lege ayeke dä mo peut ti sara lisoro na ala yeke na ndö ti ye ni, tongaso si mo hinga raison so ala ke na mo ti sara ambeni ye.

“Lakue tongana babâ na mama ti mbi alu na mbi ambeni ndia araison ti andia ni oko oko kue ayeke dä. Babâ na mama ti mbi ake na mbi ti sara ngia ape; Ala ye gï ti tene mbi sara angia so ayeke nzoni na so apeut ti ga na mbi akpale ape.”—Ivy.

Mama-ndia ti Bible: “Zo ti buba asigi na ngonzo ti lo kue, me zo ti ndara akanga bê ti lo, lo duti kpô.”—aProverbe 29:11.

Mbeni maseka-wali ayeke tokua nga lo yeke wara amessage. Lo yeke connecté na ndö ti aréseaux sociaux na bï na temps so l’heure ahon.

Sara ye so ape: Gi pëpe ti sara ambeni ye na hondengo ni sân ti tene babâ na mama ti mo ahinga.

“Mbi sara ye pëpe alingbi na andia so babâ ti mbi alu na ndö ti fason so mbi yeke sara kua na téléphone. Mingi ni na bï tongana l’heure ahon, mbi yeke tokua amessage na akamarade ti mbi wala mbi yeke téléchargé a-application so babâ ti mbi ayeda na ni ape. Me, na nda ni lakue lo yeke hinga ye so mbi sara, na ye so asara si lo kiri lo lu na mbi andia ahon ti kozo ndali ti so lo yeke na confiance na mbi encore ape. Ti sara ye ague nde na andia so babâ na mama alu ayeke nzoni idée la ape.”—Marie.

Tara ti sara ye so: Fa na babâ na mama ti mo so mo yeke zo ti confiance na lege so mo sara ye alingbi na andia so ala lu.

“Kanga bê. A yeke mû ngoi ti tene babâ na mama ti mo awoko na mo yâ ti ambeni ndia so ala lu, me tongana ala bâ so mo sara ye alingbi na andia so ala lu ni awe, a yeke sara si ala yeke zia lege na mo ti sara ambeni ye nde.”—Melinda.

Mama-ndia ti Bible: “Ala mä yanga ti ababâ na amama ti ala na yâ ti aye kue”—aColossien 3:20.

Mbeni maseka-koli angbâ ti voro yanga. Abulle afa ambeni mba ti lo maseka ota.

Sara ye so ape: Gi ti forcé babâ na mama ti mo ape na lege so peut-être mo tene na ala so a zia lege na amolenge so ngu ti mo na ala ayeke oko ti sara aye ni so.

“Ti forcé babâ na mama ti mo la ayeke sara pëpe si aye aduti facile na mo wala ayeke aidé mo ti wara aye so mo ye.”—Natalie.

Tara ti sara ye so: Sara kua na fiche “Réfléchis sur les règles familiales” ti aidé mo ti sara lisoro na babâ na mama ti mo.

“A yeke nzere na ababâ na amama ti bâ so amolenge ti ala apeut ti mû anzoni desizion. Tongaso, tongana mbi yeke sara tënë na babâ na mama ti mbi, mbi yeke sara kue ti tene atënë so mbi tene na ala aluti nzoni ahon ti tene mbi tene tënë ndali ti nzara ni. Tongana mbi sara tongaso, babâ na mama ti mbi ayeke zia lege na mbi ti sara ambeni ye so mbi ye.”—Joseph.

Mama-ndia ti Bible. “Mo ne babâ na mama ti mo.”—aÉphésien 6:2.