Eskê aTémoin ti Jéhovah ayeke forcé amolenge ti ala ti ga Témoin ti Jéhovah tongana ala?

Ên-ën, ndali ti so vorongo Nzapa ayeke mbeni ye so a yeke na zo oko oko ti mû desizion na ndö ni (aRomain 14:12). A-Témoin ti Jéhovah ayeke fa amama-ndia ti Bible na amolenge ti ala, me na ngoi so amolenge ni akono, a yeke na ala ti mû desizion wala ala ye ti ga Témoin ti Jéhovah wala ala ye ti ga ni ape.—aRomain 12:2; aGalate 6:5.

Tongana tanga ti ababâ na amama kue, aTémoin ti Jéhovah aye nzoni ti amolenge ti ala. Ala yeke fa na ala, aye so na lê ti ala, ala bâ ayeke mû ande maboko na amolenge ni na yâ ti gigi ti ala: na tapande ala fa na amolenge ti hinga ti sara ambeni ye, ala yeke fa anzoni sarango ye na ala nga ala yeke fa tënë ti Nzapa na ala. A-Témoin ti Jéhovah ahinga so tongana zo asara ye tongana ti so Bible afa, a yeke duti nzoni mingi ndali ti lo. Ndali ni la ala yeke sara kue ti fa na amolenge ni anzoni sarango ye so Bible afa, so alingbi zo aduti na ni nga ala yeke gue na amolenge ni na abungbi (Deutéronome 6:6, 7). Tongaso, na ngoi so amolenge ni ayeke kono, ala peut ti hinga ye so ayeke ku ala tongana ala soro ti sara bungbi ti Nzapa so babâ na mama ti ala ayeke sara wala ala soro ti sara ni ape.

• Eskê aTémoin ti Jéhovah ayeke batize abébé kue?

• Eskê aTémoin ti Jéhovah ayeke ke amolenge ti ala tongana ala ye ti wara batême ape?

• Ngbanga ti nyen aTémoin ti Jéhovah ayeke gue na amolenge ti ala na fango tënë?

• Êskê aTémoin ti Jéhovah ayeke sara afête?

• Amolenge so aTémoin ti Jéhovah la abata ala atene ti ala nyen na ndö ti atënë ni so?

Eskê aTémoin ti Jéhovah ayeke batize abébé kue?

Ên-ën. Bible ayeda pëpe ti tene a batize abébé. Na tapande, Bible afa so kozo ti tene a batize akozo Chrétien, ala mä tënë ti Nzapa so a fa na ala, ala ‘yeda na tënë ni na ngia na bê ti ala’ na ala changé lege ti ala (Kusala 2:14, 22, 38, 41). Ti tene a batize mbeni zo, a lingbi lo duti mbeni zo so lo peut ti comprendre aye so Bible afa, lo mä na bê na ni nga lo mû desizion ti vivre alingbi na aye so lo manda na yâ ti Bible. Mbeni bébé apeut ti sara aye ni so ape.

Tongana amolenge ni akono, peut-être ala peut ti soro ti wara batême. Me, ti wara batême, a lingbi ala hinga aye so a ku na mbage ti ala tongana ala wara batême ni.

Eskê aTémoin ti Jéhovah ayeke ke amolenge ti ala tongana ala ye ti wara batême ape?

Ên-ën. Tongana amolenge ti aTémoin ti Jéhovah aye ape ti voro Nzapa so ala voro, mawa ayeke sara ababâ na mama ni, me ala yeke ngbâ lakue ti ye ala. Ala yeke ke ala ape gï ngbanga ti so amolenge ni aye ti ga Témoin ti Jéhovah ape.

Ngbanga ti nyen aTémoin ti Jéhovah ayeke gue na amolenge ti ala na fango tënë?

Araison ni ayeke mingi.a

• Bible ahunda na ababâ na mama ti fa ye na ndö ti Nzapa na amolenge ti ala nga ti fa na ala ti voro Nzapa (aÉphésien 6:4). Teti so vorongo Nzapa andu nga fango na azo aye so mo mä na bê na ni, fango tënë ayeke mû maboko mingi na amolenge ti tene ala ga nduru mingi na Nzapa.​—aRomain 10:9, 10; aHébreu 13:15.

• Bible a-encouragé amaseka ti ‘sepela iri ti L’Eternel’ (Psaume 148:12, 13, La Sainte Bible en sango). Mbeni kota fason ti gonda Nzapa ayeke ti fa tënë ti lo na amba ti mo.b

• Tongana amolenge afa tënë na terê ti ababâ na amama ti ala, ala yeke manda ye mingi. Na tapande, ala yeke manda ti sara lisoro na mara ti azo nde nde nga ala yeke wara apendere sarango ye tongana bango mawa ti zo, nzoni bê, nengo zo nga ala yeke ga azo so ayeke pensé gï na ala wani ape. Ala yeke comprendre nga nzoni mingi aye so ayeke na gunda ti mabe ti ala.

Êskê aTémoin ti Jéhovah ayeke sara afête?

A-Témoin ti Jéhovah ayeke sara afête ti abungbi ti nzapa ape wala ambeni fête so Nzapa aye ni apec (2 aCorinthien 6:14-17; aÉphésien 5:10). Na tapande ala yeke sara matanga ti dungo ape, ti Noël ape ndali ti so gunda ni alondo na Bible ape.

Me, e ye mingi ti passé temps na asewa ti e nga ti mû ye na amolenge ti e. A hon ti tene e ku gï lango ti afête so a sû na lê ti calendrier si e wara terê na azo ti sewa ti e nga e sara cadeau na ala, e yeke sara ni na angoi nde nde na yâ ti ngu.