Kete tënë na gbe ni

a Na ndo tene ti Paul so atene “ndoye anze fade fade pepe na asala nzobe,” Gordon D. Fee, mbeni wagingo nda ti ye na yâ Bible asû na mbeti: “Na yâ fango ye ti Paul na ndo Nzapa, ala [be-nze-pepe na nzobe] fa mbage use ti bango ndo so Nzapa ayeke na ni na mbage ti azo (ba aRom. 2:4). Na mbeni mbage, be-nze-pepe ti Nzapa asigigi polele na yâ lege so lo gbanzi ngonzo ti lo ti sala ye na mbage ti kengo yanga ti azo; na mbeni mbage nde, a yeke ba nzobe ti lo na yâ alege mingi so lo fa na be-nzoni ti lo. Tongaso, fango ye ti Paul na ndo ndoye ato nda ni na a-use lege so ti Nzapa ti sala na ye, so na lege ni Christ afa so lo yeke na be-nze-pepe nga na nzobe na mbage ti ala so alingbi fade na fango ngbanga ti Nzapa.”