Jésus akiri tene na lo: “Tongana mbi sala tene na lege ni pepee, fa na mbi sioni ni; me tongana mbi sala tene na lege ni, ngbanga ti nyen mo pika mbi?” Na peko ti kete papa so, Anne akanga Jésus na kamba na lo to lo na Caïphe.

Na ngoi ni so, akota prêtre kue, a-ancien na awafango ndia, biani Sanhédrin kue, atonda ti bungbi tele ti ala. Bungbi so aduti na ndo ti Caïphe. Ataa so ndia ti aJuif agbanzi mara ti ngbanga so na bi ti Pâque, a kanga lege pepee na amokonzi ti nzapa ti sala sioni ye so ala leke na be ti ala.

Ayenga mingi kozoni, tongana Jésus azingo Lazare na popo ti awakinda, Sanhédrin awa tele ti ala awe so a lingbi lo kui. Na a sala gi lango use fadeso, na mercredi, amokonzi ti nzapa ama tele ti gbu lo na lege ti mayele na ti fa lo. I baa kete, a fa ngbanga ti kua na ndo Jésus kozoni si lo hon na gbe ti ngbanga!

NA PEKONI so ala do Jésus, azia lo na yaka ti Gethsémané na ala kpe na tanga ti abazengele, Pierre na Jean aluti ala zia ti kpe. Peut-être ala mu loro ala tingbi Jésus na ngoi so ayeke li na lo na ndo ti Anne. Tongana Anne ato Jésus na mokonzi ti aprêtre Caïphe, Pierre na Jean amu peko ti lo, yongoro ka na peko, na be ti ala akangbi na popo ti mbito teti fini ti ala nga na nzala ti hinga ye so ayeke si na Wafango ye ti ala.